साप्ताहिक राशीभविष्य: २०२६चा पहिला आठवडा अपार लाभाचा, पैशांची चणचण दूर; धनलाभाचे मोठे योग!

1 / 15

Weekly Horoscope: या सप्ताहात कुठलेही ग्रहपालट नाहीत. ग्रहस्थिती अशी- हर्षल वृषभ राशीत, गुरू मिथुन राशीत, केतु सिंह राशीत आहेत. रवि, मंगळ, बुध आणि शुक्र धनू राशीत आहेत. प्लूटो मकर राशीत, तर राहु कुंभ राशीत आहेत. शनि आणि नेपच्यून मीन राशीत आहेत.

2 / 15

चंद्राचे भ्रमण मिथुन, कर्क, सिंह, कन्या आणि तूळ राशीतून राहील. या सप्ताहात दि. ६ रोजी अंगारकी चतुर्थी आहे. शनिवारी कालाष्टमी आहे.

3 / 15

धनु राशीत चतुर्ग्रही योग जुळून आलेला असून, यामुळे ४ राजयोगांची निर्मिती झालेली आहे. २०२६ मधील पहिली अंगारक संकष्ट चतुर्थी मंगळवारी ०६ जानेवारी रोजी आहे. इंग्रजी नववर्षाचा पहिला आठवडा तुमच्या राशीसाठी कसा असेल? तुमचे या आठवड्याचे साप्ताहिक राशीभविष्य जाणून घ्या...

4 / 15

मेष: हा आठवडा संमिश्र फलदायी ठरेल. आरोग्याच्या दृष्टीने विचार करता, स्वतःच्या प्रकृतीकडे थोडे अधिक लक्ष देण्याची आणि सावध राहण्याची आवश्यकता आहे. करिअर आणि व्यवसायाचा विचार करता, प्रगतीसाठी एखाद्या प्रतिष्ठित किंवा अनुभवी व्यक्तीचा सल्ला घेऊ शकता, जो भविष्यात मैलाचा दगड ठरेल. व्यावसायिक दृष्टिकोनातून हा आठवडा समाधानकारक जाईल. आर्थिक आघाडीवर मात्र सावधगिरी बाळगावी लागेल; गुंतवणूक करताना घाई करू नका. आठवड्याच्या सुरुवातीला करिअरच्या व्यापामुळे प्रचंड व्यस्त राहाल, ज्याचा परिणाम तुमच्या कौटुंबिक आणि प्रेमसंबंधांवर होऊ शकतो. जोडीदाराला वेळ न दिल्याने नात्यात थोडा दुरावा जाणवेल. जर विवाहासाठी बोलणी सुरू असतील, तर या काळात नाते पक्के होण्याचे शुभ योग जुळून येत आहेत. शिक्षण क्षेत्रात एखाद्या विशेष व्यक्तीच्या मार्गदर्शनामुळे शैक्षणिक प्रगती वेगाने होईल. रिअल इस्टेट किंवा मालमत्तेच्या व्यवहाराशी संबंधित असलेल्या व्यक्तींना या आठवड्यात विशेष प्रसिद्धी आणि आर्थिक लाभ मिळण्याचे संकेत आहेत.

5 / 15

वृषभ: हा आठवडा आरोग्याच्या दृष्टीने बरा असेल, मात्र बदलत्या हवामानामुळे त्रास संभवतो, त्यामुळे पथ्य पाळा. करिअरमध्ये खरी प्रतिभा आणि कौशल्य दाखवण्याची उत्तम संधी कार्यक्षेत्रात प्राप्त होईल, ज्यामुळे प्रतिष्ठेत वाढ होईल. पैशांच्या बाबतीत बोलायचे झाले तर आर्थिक स्थितीसमोर काही आव्हाने उभी राहू शकतात. त्यामुळे अनावश्यक खर्च टाळून बचतीवर भर देणे हिताचे ठरेल. प्रेमसंबंधात अहंकार बाजूला ठेवून जर मनातील गोष्टी जोडीदाराशी स्पष्टपणे बोललात, तर नात्यातील गोडवा वाढेल. विवाहित लोकांसाठी हा आठवडा सुखद आणि सामंजस्याचा असेल. विद्यार्थ्यांसाठी हा काळ अत्यंत महत्त्वाचा आहे; त्यांनी अभ्यासात गाफील राहून चालणार नाही. एकाग्रतेच्या अभावामुळे परीक्षा निकालावर परिणाम होण्याची शक्यता असल्याने अभ्यासावर विशेष लक्ष द्या. मेहनतीशिवाय पर्याय नाही हे लक्षात ठेवून विद्यार्थ्यांनी कामाला लागावे, अन्यथा मानसिक तणाव वाढू शकतो.

6 / 15

मिथुन: आरोग्याच्या आघाडीवर हा आठवडा सकारात्मक राहील. करिअर आणि व्यवसायाच्या दृष्टीने हा आठवडा भरभराटीचा असून व्यापारात मोठी वाढ होण्याची शक्यता आहे, ज्यामुळे मन प्रसन्न राहील. अपार मेहनत या आठवड्यात रंगात येईल आणि त्याचे योग्य फळ मिळेल. आर्थिक बाजू पाहता, आरोग्याशी संबंधित कारणांमुळे अचानक खर्च उद्भवण्याची शक्यता असल्याने पैशांचे नियोजन करून ठेवा. प्रेमसंबंधांच्या बाबतीत हा काळ अनुकूल असून प्रिय व्यक्तीसमोर लग्नाचा प्रस्ताव किंवा प्रेम व्यक्त करू शकता. विवाहित जातकांनी नात्यातील जवळीक वाढवण्यासाठी जोडीदाराला पुरेसा वेळ देणे आवश्यक आहे. शिक्षण क्षेत्रात लक्ष विचलित करण्याचा काही लोक प्रयत्न करतील, परंतु मनोबल खंबीर ठेवा. आठवड्याच्या मध्यात काही नवीन शैक्षणिक कार्यक्रम किंवा संधी तुमच्यासमोर येतील, ज्या भविष्यातील प्रगतीसाठी अत्यंत उपयुक्त ठरतील.

7 / 15

कर्क: आरोग्याच्या बाबतीत हा आठवडा चढ-उतारांचा असू शकतो. आहार सात्विक ठेवावा. व्यवसायाच्या ठिकाणी सहकारी आणि कर्मचारी पूर्ण सहकार्य करतील. महत्त्वाची कामे वेळेत पूर्ण होतील. प्रेमसंबंधांच्या दृष्टीने हा आठवडा अतिशय रोमँटिक असेल; प्रिय व्यक्तीसोबत अधिक वेळ घालवू शकाल. विवाहित व्यक्ती आपल्या नात्यातील वीण घट्ट करण्यासाठी काही नवीन शिस्त किंवा नियम लागू करतील, ज्याचा फायदा होईल. भागीदारीत व्यवसाय करत असाल, तर या आठवड्यात मोठा आर्थिक नफा मिळण्याची दाट शक्यता आहे. आर्थिक बाजू बळकट होईल. शिक्षण आणि ज्ञानाच्या बाबतीत या आठवड्यात अधिक परिश्रम घेण्याची गरज आहे. एखाद्या बौद्धिक चर्चेत किंवा सेमिनारमध्ये सहभागी होण्यामुळे मानसिक समाधान आणि नवीन माहिती मिळेल, जी प्रगतीसाठी पूरक ठरेल.

8 / 15

सिंह: या आठवड्यात आरोग्याची विशेष काळजी घेणे आवश्यक आहे. कामाच्या ताणामुळे थकवा जाणवू शकतो. नोकरी करणाऱ्या लोकांसाठी आठवड्याची सुरुवात अत्यंत उत्साही असेल आणि दिलेली जबाबदारी पूर्ण जोशात पार पाडाल. व्यावसायिक क्षेत्रात असलेल्यांना एखादी मोठी ऑर्डर किंवा नवीन करार मिळण्याची शक्यता आहे. व्यवसायाला नवी दिशा मिळेल. प्रेमसंबंधांच्या बाबतीत आठवडा सुरुवातीला व्यस्ततेचा असेल, परंतु नंतर प्रिय व्यक्तीसोबत प्रवासाचा बेत आखू शकाल. विवाहितांना नात्यात ताळमेळ राखण्यासाठी जोडीदाराच्या मताचा आदर करावा लागेल. आर्थिक बाबतीत सल्ला असा आहे की, कोणाचेही मार्गदर्शन घेतल्याशिवाय मोठी गुंतवणूक करू नका, अन्यथा नुकसान सोसावे लागू शकते. शिक्षणाच्या क्षेत्रात आठवड्याच्या प्रारंभी लक्ष केंद्रित करणे कठीण जाईल. अभ्यासातून मन भरकटण्याची शक्यता असल्याने विद्यार्थ्यांनी शिस्त पाळणे गरजेचे आहे. संयम आणि नियोजनाने वागल्यास हा आठवडा प्रगतीचा ठरेल.

9 / 15

कन्या: या आठवड्यात आहारावर नियंत्रण ठेवणे गरजेचे आहे; जास्त तेलकट आणि तिखट पदार्थ खाल्ल्याने प्रकृती बिघडण्याची शक्यता आहे. व्यावसायिक जातकांसाठी हा आठवडा प्रवासाचा असेल, कामाच्या निमित्ताने लांब पल्ल्याचे प्रवास घडून येतील. नोकरी करणाऱ्यांना पदोन्नती किंवा पगारवाढीची आनंदवार्ता मिळू शकते, ज्यामुळे घरात आनंदाचे वातावरण राहील. प्रेमसंबंधांच्या बाबतीत हा आठवडा विशेष आहे, कारण एखाद्या नवीन व्यक्तीशी मैत्री होऊ शकते आणि त्याचे रूपांतर प्रेमात होण्याची शक्यता आहे. मनातील भावना जोडीदारासमोर मोकळेपणाने मांडू शकाल. विवाहितांना जोडीदाराची प्रत्येक कामात उत्तम साथ लाभेल. आर्थिक आघाडीवर अहंकार बाजूला ठेवून फक्त व्यवसायावर लक्ष केंद्रित करावे लागेल, तरच नफा मिळेल. विद्यार्थ्यांना शिक्षकांच्या मदतीमुळे कठीण विषय समजणे सोपे जाईल आणि अभ्यासात गती येईल. हा आठवडा वैयक्तिक आणि व्यावसायिक प्रगतीचा ठरेल.

10 / 15

तूळ: आरोग्य ही या आठवड्यातील सर्वात महत्त्वाची चिंता असेल. स्वतःची काळजी घ्या. करिअरच्या बाबतीत नोकरी करणाऱ्यांना वरिष्ठ अधिकाऱ्यांचे पूर्ण सहकार्य मिळेल. प्रलंबित प्रकल्प मार्गी लागतील. व्यवसायात गुंतवणूक करण्यापूर्वी बाजारपेठेचा सखोल अभ्यास आणि नवीन माहिती गोळा करणे फायदेशीर ठरेल. प्रेमसंबंधांच्या बाबतीत जोडीदाराच्या खूप जवळ असल्याचे अनुभवाल आणि नात्यात प्रेम वाढेल. विवाहितांसाठी सल्ला असा आहे की, जोडीदार एखाद्या कारणावरून नाराज असेल, तर पुढाकार घेऊन समजूत काढा. आर्थिक स्थिती पाहता, या आठवड्यात धनलाभाचे मोठे योग आहेत, ज्यामुळे तुमची आर्थिक स्थिती सुधारेल. शिक्षणाच्या बाबतीत विद्यार्थ्यांची गोडी वाढेल. एखाद्या विशिष्ट विषयात प्राविण्य मिळवण्यासाठी तुम्ही नवीन क्लास किंवा ट्यूशन लावण्याचा विचार करू शकता, जे उज्ज्वल भविष्यासाठी नक्कीच फायदेशीर ठरेल.

11 / 15

वृश्चिक: आठवड्याची सुरुवात आरोग्याच्या दृष्टीने चांगली असेल. करिअर आणि व्यवसायाचा विचार करता, जुन्या व्यावसायिक समस्यांमधून बाहेर पडण्यासाठी हा आठवडा उत्तम आहे. जे लोक स्वतःचा व्यापार करतात, त्यांची स्थिती भक्कम राहील आणि प्रगतीच्या नवीन संधी मिळतील. विद्यार्थ्यांच्या बाबतीत बोलायचे झाल्यास, अभ्यासाबाबत केलेली थोडीही निष्काळजी भारी पडू शकते, त्यामुळे लक्ष भरकटू देऊ नका. प्रेमसंबंधांच्या बाबतीत हा आठवडा अत्यंत उत्साहवर्धक आणि रोमँटिक असेल; जोडीदारासोबतचे क्षण आनंद देतील. विवाहितांनी मात्र जोडीदाराशी संवाद साधताना काळजी घ्यावी; कोणत्याही प्रकारचा वाद टाळणे हिताचे राहील, अन्यथा लहान गोष्टीचे रूपांतर मोठ्या भांडणात होऊ शकते. आर्थिक दृष्टिकोनातून हा आठवडा स्थिर असेल, पण भविष्यातील नियोजनासाठी थोडी बचत करणे आवश्यक आहे. स्वतःच्या रागावर नियंत्रण ठेवल्यास अनेक कठीण प्रसंगातून सहज मार्ग काढू शकाल.

12 / 15

धनु: या आठवड्यात बदलत्या हवामानाचा फटका बसू शकतो, त्यामुळे हंगामी आजारांपासून सावध राहा. बाकी आरोग्य उत्तम राहील. व्यापार आणि व्यवसायात प्रगतीसाठी हा काळ अनुकूल असून नवीन लोकांशी गाठीभेटी घेऊन व्यावसायिक विस्तार करू शकता. विशेषतः सेल्स, मार्केटिंग आणि मीडिया क्षेत्राशी संबंधित लोकांसाठी हा आठवडा उत्कृष्ट ठरेल. आर्थिक बाबतीत उत्पन्नाचे नवीन स्रोत सापडतील. पैशांची चणचण दूर होईल. प्रेमसंबंधांमध्ये संवाद अत्यंत महत्त्वाचा ठरेल; एकमेकांशी बोलल्यामुळे जुने गैरसमज दूर होतील. विवाहित लोकांसाठी हा आठवडा सुखाचा आणि समृद्धीचा असेल. शिक्षणाच्या बाबतीत विद्यार्थ्यांना थोडे सावध राहावे लागेल. आसपासचे वातावरण अभ्यासासाठी फारसे पोषक नसेल. गोंधळलेल्या मनःस्थितीमुळे अभ्यासात अडथळे येऊ शकतात, अशा वेळी एकांतात अभ्यास करणे फायदेशीर ठरेल. एकंदरीत, व्यावसायिक यश मिळवण्यासाठी हा आठवडा महत्त्वाचा आहे.

13 / 15

मकर: आरोग्य सामान्य राहील, मात्र शरीराला थोडा थकवा जाणवू शकतो. विश्रांतीला महत्त्व द्या. करिअर आणि व्यवसायाच्या बाबतीत, जे लोक नवीन नोकरीच्या शोधात आहेत त्यांच्यासाठी हा आठवडा एखादी चांगली संधी घेऊन येईल. व्यवसायात कोणताही मोठा निर्णय घेताना घाई करू नका; चुकीच्या निर्णयामुळे आर्थिक फटका बसू शकतो. प्रेमसंबंधांमध्ये भावनिक गुंतवणूक वाढेल आणि रोमांस बहरून येईल. विवाहित व्यक्ती जोडीदाराशी मनमोकळेपणाने चर्चा करून घरातील जुन्या समस्या किंवा कलह मिटवू शकतील, ज्यामुळे नात्यात पारदर्शकता येईल. आर्थिक बाबतीत बोलायचे झाले तर, घरगुती उपयोगाच्या वस्तूंवर किंवा सजावटीवर खर्च होण्याची शक्यता आहे, पण हे खर्च बजेटमध्येच असतील. विद्यार्थ्यांचे मन अभ्यासात रमून जाईल आणि कठीण विषयांत त्यांना यश मिळेल. मेहनतीचे फळ मिळण्याचा हा काळ असल्याने संयम आणि चिकाटीने आपले प्रयत्न सुरू ठेवावेत.

14 / 15

कुंभ: या आठवड्यात आरोग्याबाबत अजिबात निष्काळजी राहू नये. नियमित योगासने आणि व्यायामाचा अवलंब केल्यास समस्यांपासून दूर राहू शकाल. करिअर आणि व्यवसायाच्या दृष्टीने विचार करता, नवीन व्यक्तींशी झालेले संपर्क व्यापाराला एका नव्या उंचीवर नेण्यास मदत करतील. नोकरी करणाऱ्यांना कामाच्या ठिकाणी थोडा मानसिक ताण जाणवू शकतो, परंतु तो तात्पुरता असेल. प्रेमसंबंधात जवळीक वाढेल आणि नात्यात विश्वास निर्माण होईल. विवाहित लोकांना जोडीदाराच्या चांगल्या गुणांची नव्याने ओळख होईल. त्यांच्याबद्दलचा आदर द्विगुणित होईल. आर्थिक स्थितीच्या बाबतीत हा आठवडा अत्यंत शुभ आहे; आठवड्याच्या सुरुवातीला आणि शेवटी आर्थिक बाजू खूप मजबूत राहील, धनलाभाचे योग आहेत. शिक्षणाच्या बाबतीत विद्यार्थ्यांसाठी हा काळ सुवर्णकाळासारखा आहे. अभ्यासात लक्ष लागेल आणि नवीन गोष्टी शिकण्याची ओढ निर्माण होईल, ज्यामुळे शैक्षणिक प्रगती निश्चित आहे.

15 / 15

मीन: आरोग्याच्या दृष्टीने हा आठवडा सकारात्मक असेल. योग आणि ध्यानधारणेचा योग्य मार्ग अवलंबल्यास मानसिक शांतता मिळेल. प्रोफेशनल आयुष्यात कामगिरी उत्कृष्ट राहील आणि ऑफिसमध्ये वर्चस्व टिकून राहील. नोकरी बदलण्याचा विचार करत असाल, तर हा आठवडा त्यासाठी अत्यंत अनुकूल आहे. प्रेमसंबंधात काळ अनुकूल असला तरी जोडीदारासोबत बोलताना शब्दांचा वापर विचारपूर्वक करा; लहानशा गैरसमजातून किरकोळ वादाची शक्यता आहे. विवाहितांना जोडीदाराचा सर्वतोपरी पाठिंबा मिळेल. मनोबल वाढेल. आर्थिक आघाडीवर हा आठवडा समाधानकारक असून उत्पन्नाचे ओघ सुरू राहतील, मात्र चैनीच्या वस्तूंवर थोडा खर्च होऊ शकतो. विद्यार्थ्यांना अभ्यासावर विशेष लक्ष देण्याची गरज आहे. लक्ष विचलित करणाऱ्या अनेक गोष्टी घडतील. एकाग्रतेने अभ्यास केल्यास यश निश्चित मिळेल. एकूणच, हा आठवडा प्रगतीच्या अनेक संधी देऊन जाणारा ठरेल.