बारा राशींपैकी 'या' चार राशींच्या मुलींना होणार या वर्षी अधिक लाभ;त्या भाग्यवंत तुम्हीच का?

दरवर्षी नवीन वर्षाकडून आपल्या काही अपेक्षा असतात, स्वप्नं असतात आणि ती पूर्ण व्हावीत यासाठी कष्ट घेण्याचे आपले संकल्प असतात. त्याला नशिबाची साथ मिळाली तर नवीन वर्षात स्वप्नपूर्तीचा आनंद मिळतो. ज्योतिष शास्त्रानुसार मागच्या दोन वर्षांच्या तुलनेत हे वर्ष नक्कीच चांगले आणि आशादायी चित्र दाखवणारे आहे.

यातही अनेक प्रकार असतात. जसे काही काही जणांना ग्रहस्थिती नुसार, काही जणांना राशीनुसार, काही जणांना लिंग आणि राशी यानुसार लाभाचे भाकीत वर्तवले जाते. ज्योतिष शास्त्रानुसार हे वर्ष बाराही राशींसाठी अनुकूल असले तरीदेखील पुढील चार राशींच्या महिलांसाठी, मुलींसाठी विशेष लाभदायक ठरणार आहे. त्यांना या वर्षात काय मिळणारे ते पाहू.

मेष

मेष राशीच्या मुलींसाठी २०२२ हे वर्ष खूप चांगले राहील. त्यांना त्यांच्या आवडीचे काम मिळेल. उच्च शिक्षणासाठी परदेशात जायचे असेल, तर ते स्वप्नही या वर्षी पूर्ण होणार आहे. व्यवसायाच्या नवनवीन संधी चालून येतील. नवीन कलाक्षेत्र खुले होईल. संधीचे सोने केले तर हे वर्ष सर्वार्थाने लाभदायक ठरू शकते.

कर्क

कर्क राशीच्या मुलींसाठी हे वर्ष अनेक स्वप्ने आणि इच्छा पूर्ण करणारे ठरेल. ज्या मुलींच्या लग्नाला उशीर होत होता त्यांचे लग्न या वर्षी होऊ शकते. करिअरही चांगले होईल. जोडीदाराची साथ लाभेल. त्याच्या सहयोगाने आयुष्याला नवे वळण मिळेल आणि चांगल्या कामाची सुरुवात होईल.

कन्या

कन्या राशीच्या मुलींना या वर्षी अभ्यासात चांगले यश मिळू शकते. स्पर्धा परीक्षांसाठी मुलाखत देणार असाल तर पास होण्याची दाट शक्यता आहे. विवाहेच्छुक मुलींना त्यांचा जोडीदार या वर्षी मिळण्याचे संकेत आहेत. आयुष्याला नवे वळण तसेच करिअर मध्येही पदोन्नती मिळू शकते.

धनु

हे वर्ष धनु राशीच्या मुलींसाठी खूप यश आणि आनंद घेऊन येणार आहे. नोकरी करणार्‍या महिला-मुली, मग त्या व्यवसायात असोत किंवा नोकरीत, त्यांना पैसा नक्कीच मिळेल. तुम्ही शिस्तबद्ध जीवन जगल्यास, तुम्हाला अनेक पटींनी अधिक फायदे मिळू शकतात.