१३८ दिवस शनि वक्री: ५ राशींवर शनिची वक्र दृष्टी कायम, ‘हे’ रामबाण उपाय कराच; शनि शुभ करेल!

नोव्हेंबर महिन्यापर्यंत शनि वक्री असणार आहे. ५ राशींनी प्रतिकूल प्रभाव कमी करण्यासाठी नेमके कोणते उपाय करावे? जाणून घ्या...

नवग्रहांचा न्यायाधीश मानला गेलेला शनि आताच्या घडीला मीन राशीत विराजमान आहे. जून २०२७ पर्यंत शनि मीन राशीतच असणार आहे. मीन राशीचा स्वामी गुरु आहे. याच मीन राशीत शनि वक्री झाला आहे. २७ नोव्हेंबर २०२५ पर्यंत शनि वक्री राहणार आहे.

शनि मीन राशीत असल्यामुळे कुंभ, मीन आणि मेष या राशींची साडेसाती सुरू असून, सिंह आणि धनु या राशींवर ढिय्या प्रभाव सुरू आहे. शनि ग्रहाचे मीन राशीत वक्री होणे विशेष मानले जात आहे. शनि एका राशीत शनि तब्बल २.५ वर्षे असतो.

२९ मार्च २०२५ रोजी शनि मीन राशीत विराजमान झाला आहे. आता पुढील अडीच वर्ष शनि मीन राशीतच विराजमान असणार आहे. शनि मीन राशीत विराजमान होताच साडेसाती चक्र बदलले आहे. हे साडेसाती चक्र आता जून २०२७ पर्यंत कायम राहणार आहे.

शनि साडेसाती आणि ढिय्या प्रभाव अतिशय महत्त्वाचा मानला जातो. साडेसाती म्हणजे अशुभ, प्रतिकूल, वाईट हीच संकल्पना रुजलेली दिसते. साडेसाती शनी ग्रहामुळे येत असल्याने शनी ग्रहाकडेही काहीशा 'वक्र'दृष्टीनेच पाहिले जाते. मात्र, तसे अजिबात नाही. ज्योतिषशास्त्रानुसार, साडेसाती हा अनन्यसाधारण महत्त्व असणारा योग आहे.

आताच्या घडीला कुंभ, मीन आणि मेष या ३ राशींची साडेसाती सुरू आहे. जून २०२७ पर्यंत या ३ राशींची साडेसाती कायम असणार आहे. जून २०२७ मध्ये शनिने ग्रह मेष राशीत प्रवेश केला की, कुंभ राशीची साडेसाती संपेल आणि वृषभ राशीची साडेसाती सुरू होईल. तसेच सिंह आणि धनू या राशींवर शनिचा ढिय्या प्रभाव/अडीचकी सुरू आहे.

जून २०२७ पर्यंत या दोन राशींवरील हा ढिय्या प्रभाव कायम राहणार आहे. शनि हा वय, दुःख, रोग, वेदना, विज्ञान, तंत्रज्ञान, लोह, खनिज तेल, नोकर, कर्मचारी, तुरुंग अशा काही गोष्टींचा कारक मानला जातो. शनि मकर आणि कुंभ या दोन राशींचा स्वामी आहे. तूळ ही शनिची उच्च रास आहे, तर मेष ही त्याची नीच रास मानली जाते.

ज्यांची साडेसाती सुरू आहे, ज्यांच्यावर शनिचा ढिय्या प्रभाव आहे, त्यांनी आवर्जून न चुकता शनि उपासना, शनि संबंधातील उपाय, शनिचा प्रतिकूल प्रभाव कमी करण्यासाठी काही गोष्टींचे नक्कीच पालन करावे, असे सांगितले जाते.

किमान पुढील २ वर्ष संकल्प करून ते पाळण्याचा प्रयत्न करावा, असे केल्यास शनि कृपा सदैव राहू शकेल, असे सांगितले जात आहे.

शनि हा महादेवांना आपले गुरु मानतो, अशी मान्यता आहे. तसेच महादेवांनीच शनिला नवग्रहांचे न्यायाधीश पद दिले आहे, असेही म्हटले जाते. त्यामुळे शनि साडेसाती, ढिय्या प्रभाव, महादशा काळात शक्य तेवढी महादेवांची उपासना, नामस्मरण, मंत्रांचे जप करणे अतिशय शुभ मानले जाते.

साडेसाती सुरू असताना आपल्या इष्टदेवतेचा जप रोज करणे लाभप्रद ठरते. स्वकष्टार्जीत धनातून गरजूंना अन्नधान्य दान करावे. शनिवारी काहीतरी दान करावे.

शनीची साडेसाती सुरू असताना प्रतिकूल प्रभाव कमी करण्याची मारुती, विष्णू या देवांची उपासना, नामस्मरण उपयुक्त ठरते, असे सांगितले जाते.

कुंडलीत शनीची स्थिती कमकुवत असेल आणि प्रतिकूल प्रभाव कमी करायचा असेल, तर शनिवारी विशेष व्रत करावे. शनीशी संबंधित वस्तूंचे यथाशक्ती दान करावे.

शनिवारी शनीदेवाच्या मंदिरात जाऊन काळे तीळ अर्पण करावे. तेलाचा दिवा लावावा. शनीची उपासना, शनी स्तोत्राचे २१ वेळा पठण, शनी चालीसा पठण, शनीदर्शन असे उपाय सांगितले जातात. ज्या लोकांना शनी महादशामुळे त्रास होत असेल त्यांनी या शनि धाम यात्रा करणे लाभदायक मानले गेले आहे.

हनुमंताचे दर्शन घेणे, समर्थ रामदासकृत मारुतीस्तोत्र म्हणावे, हनुमान चालीसा, बजरंगबाण किंवा सुंदरकांड ही हनुमंताच्या पराक्रमाचे गुणवर्णन करणारी स्तोत्रे म्हणावीत. पिंपळाच्या झाडाशी दूध आणि पाणी मिसळून दर शनिवारी नियमितपणे अर्पण करावे. पिंपळ पूजन, तेथे नियमितपणे दिवा लावणे, शनीच्या आवडत्या वस्तूंचे अर्पण, दान असेही काही उपाय सांगितले जातात.

- सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.