Huawei SF5: Smartphone तयार करणाऱ्या कंपनीनं बनवली पहिली Electric SUV; पाहा किती आहे किंमत

1 / 15

जगभरात इलेक्ट्रिक वाहनांची मागणी प्रचंड वेगाने वाढत आहे. या सेगमेंटमध्ये आता वाहन उत्पादकांव्यतिरिक्त तंत्रज्ञानाशी संबंधित कंपन्याही प्रवेश करत आहेत.

2 / 15

दरम्यान, स्मार्टफोन आणि इलेक्ट्रॉनिक उपकरणांची निर्मिती करणारी आघाडीची कंपनी Huawei नं बुधवारी आपली पहिली इलेक्ट्रिक एसयूव्ही Huawei SF5 सादर केली. कंपनीने ही कार शांघाय ऑटो शोमध्ये लाँच केली.

3 / 15

Huawei ही चीनमधील एक कंपनी असून दूरसंचार उपकरणं आणि अन्य तंत्रज्ञानासाठी ती प्रसिद्ध आहे.

4 / 15

Huawei आणि Cyrus नं मिळून ही कार तयार केली आहे. ही कार SERES या ब्रॅन्ड अंतर्गत विक्रीसाठी उपलब्ध करून दिली जाईल.

5 / 15

सध्या ही कार चिनी बाजारात लाँच करण्यात आली आहे. परंतु लवकरच ही कार अन्य बाजारांमध्येही उतरवली जाणार आहे.

6 / 15

या कारच्या साईजबद्दल सांगायचं झालं तर या कारची लांबी 4,700 mm, रुंदी 1,930 mm आणि ऊंची 1,625 mm आहे. याशिवाय या कारमध्ये 2,875 mm चा व्हिलबेस देण्यात आला आहे.

7 / 15

या कारचं डिझाईनही अतिशय आकर्षक आहे. यामध्ये स्वेप्टबॅक हेडलाईटसोबत मेश ग्रिल आणि LED डे टाईम रनिंग लाईट्स देण्यात आले आहे. या कारचं स्लोपिंग रुफ लाईन कारच्या डिझाईनला अधिक आकर्षक बनवतं.

8 / 15

Huawei च्या म्हणण्यानुसार या कारमध्ये देण्यात आलेलं 1.5 लिटर 4 सिलिंडर इंजिन एका जनरेटरप्रमाणे काम करतं, जे बॅटरीला पॉवर देतं.

9 / 15

ही बॅटरी इलेक्ट्रीक मोटर्सशी जोडण्यात आलेली आहे. इलेक्ट्रिक मोटर आणि इंजिन मिळून एकूण 551PS ची पॉवर आमि 820Nm चा टॉर्क जनरेट करते.

10 / 15

पिक-अपच्या बाबतीही ही कार जबरदस्त असल्याचा दावा कंपनीनं केला आहे. केवळ 4.7 सेकंदात ही कार 0 ते 100 किलोमीटर प्रतितासाचा वेग पकडू शकते.

11 / 15

Huawei SF5 मध्ये दोन इलेक्ट्रिक मोटर्स देण्यात आले आहेत. तसंच न्यू युरोपियन ड्रायव्हिंग सायकलनुसार ही कार 1000 किलोमीटरपर्यंतची ड्रायव्हिंग रेंज देते.

12 / 15

एक्स्टेंडरचा वापर केल्यावरच इतकी ड्रायव्हिंग रेंज मिळणअयाची शक्यता आहे. केवळ इलेक्ट्रीकवर ही कार 180 किलोमीटरची ड्रायव्हिंग रेंज देते.

13 / 15

ही कार एखाद्या बॅटरीप्रमाणेही काम करते. याच्या सहाय्यानं टीव्ही किंवा इलेक्ट्रॉनिक डिव्हाईसेसना पॉवरही देता येते.

14 / 15

कंपनीनं Huawei SF5 ही कार सध्या केवळ चिनी बाजारात सादर केली आहे. याची किंमत 2,16,800 युआन इतकी निश्चित करण्यात आली आहे.

15 / 15

कंपनीनं Huawei SF5 ही कार सध्या केवळ चिनी बाजारात सादर केली आहे. याची किंमत 2,16,800 युआन इतकी निश्चित करण्यात आली आहे.