Classic 650: गोल्ड अॅण्ड बोल्ड! रॉयल एनफिल्ड क्लासिक ६५० चा नवा लूक समोर!

Royal Enfield 125th Anniversary: रॉयल एनफिल्ड क्लासिक ६५० आता नव्या रंगात लॉन्च झाली.

रॉयल एनफील्डने एकाच वेळी अनेक नवीन बाईक्स लॉन्च करून खळबळ उडवून दिली, यामध्ये बुलेट ६५०, क्लासिक ६५० स्पेशल एडिशन, हिमालयन माना ब्लॅक, शॉटगन ६५० लिमिटेड एडिशन आणि फ्लाइंग फ्ली स्क्रॅम्बलर यांचा समावेश आहे.

इटलीतील प्रतिष्ठित EICMA २०२५ बाईक शोमध्ये रॉयल एनफील्डने एकाच वेळी अनेक नवीन मॉडेल्स सादर करून दुचाकीप्रेमींमध्ये खळबळ उडवून दिली आहे. यंदा ब्रँडने आपला १२५ वा वर्धापन दिन साजरा केला, त्या निमित्ताने कंपनीने अनेक आकर्षक आणि शक्तिशाली मॉडेल्स प्रदर्शित केले.

EICMA २०२५ मध्ये बुलेट ६५० ने लक्ष वेधले. या मोटरसायकलची रचना तिच्या लहान मॉडेल, बुलेट ३५० वरून प्रेरित आहे. जुन्या बुलेटची ओळख जपणारे क्लासिक हेडलॅम्प डिझाइन, टँकवर हाताने रंगवलेल्या पिनस्ट्राइप्स आणि विंटेज लोगो यात कायम ठेवण्यात आले आहेत. ही बाईक आता अनेक नवीन रंगांमध्ये उपलब्ध असणार आहे.

रॉयल एनफील्डच्या १२५ वर्षांच्या वारसाला समर्पित ही विशेष आवृत्ती यांत्रिकदृष्ट्या मानक क्लासिक ६५० प्रमाणेच आहे, पण तिचे बाह्यरूप तिला वेगळे करते. यात १२५ वर्षांचा सोनेरी क्रेस्ट आहे आणि क्लासिक लाल रंगाचा टँक आहे.

सर्वात खास म्हणजे, यात 'हायपरशिफ्ट' पेंट टेक्नोलॉजी वापरण्यात आली आहे, ज्यामुळे प्रकाश आणि पाहण्याच्या कोनानुसार टँकचा रंग बदलतो. यामुळे बाईकला अतिशय प्रीमियम आणि आकर्षक लूक मिळतो.