Parabhani News | Latest Parabhani News in Marathi | Parabhani Local News Updates | ताज्यबातम्या परभणी | परभणी समाचार | Parabhani Newspaper

परभणी : अपंगत्वाचे प्रमाणपत्र जिल्हा सामान्य रुग्णालयातून काढून देण्याकरिता एका खासगी इसमाने तक्रारदाराकडे सात हजारांच्या लाचेची मागणी केली होती. लाचलुचपत प्रतिबंधक विभागाने बुधवारी लावलेल्या सापळ्यामध्ये या खासगी इसमाने दोन हजार रुपयांची लाच पंचांसमक्ष स्वीकारल्याचे निष्पन्न झाले. त्यानंतर आरोपीस पथकाने ताब्यात घेतले. विष्णू बापूराव कोरडे (३२, व्यवसाय : खासगी नोकरी, रा.ठाकरे नगर, परभणी ) असे आरोपीचे नाव आहे. लाचलुचपत प्रतिबंधक विभाग परभणीकडे तक्रारदाराने मंगळवारी तक्रार दिली होती. तक्रारदार यांना जिल्हा सामान्य रुग्णालयातून अपंगत्वाचे प्रमाणपत्र काढावयाचे होते. यातील तक्रारदार यांना विष्णू कोरडे याने त्याची जिल्हा सामान्य रुग्णालयातील डॉक्टरांसोबत ओळख आहे, असे सांगितले. अपंगत्वाचे प्रमाणपत्र काढून देण्याकरिता विष्णू कोरडे याने तक्रारदार यांच्याकडून यापूर्वी तीन हजार रुपये घेतले होते. याबाबत बुधवारी विभागाने केलेल्या सापळा पडताळणीत पंचांसमक्ष विष्णू कोरडे याने दोन हजार रुपयांची लाच स्वीकारली. या प्रकरणात अपंगत्वाचे प्रमाणपत्र मिळाल्यानंतर अजून पाच हजार रुपये द्यावे लागतील, असे सांगितले होते. ही कारवाई लाचलुचपत प्रतिबंधक विभागाचे पोलिस उपअधीक्षक अशोक इप्पर यांच्या मार्गदर्शनाखाली सापळा अधिकारी पोलिस निरीक्षक बसवेश्वर जकीकोरे, मिलिंद हनुमंते, चंद्रशेखर निलपत्रेवार, मो.जिब्राहिम, घुले, कदम यांच्या पथकाने केली.फोन पेवर यापूर्वी घेतली होती रक्कमही सापळा कारवाई होण्यापूर्वी तक्रारदार यांच्याकडून आरोपीने तीन हजारांची रक्कम फोन पेद्वारे घेतली होती. अपंगत्व प्रमाणपत्रासाठी पडताळणी दरम्यान दोन हजार रुपयांची रक्कम आरोपीने मागितली आणि अपंगत्वाचे प्रमाणपत्र मिळाल्यानंतर पाच हजार रुपये द्यावे लागतील, असेही तक्रारदारास सांगितले होते. त्यावरून सापळा कारवाई केली असता त्यात दोन हजारांची लाच आरोपीने पंचासमक्ष स्वीकारली.

Parabhani (Marathi News)

तीन जणांनी केलेल्या मारहाणीत युवकाचा उपचारा दरम्यान मृत्यू ...

सरकारी पक्षातर्फे एकूण सहा साक्षीदार तपासण्यात आले. ...

पूर्णा शहरात मंगळवारी सकाळी घडली घटना ...

या ठिकाणी जवळपास अडीचशेहुन अधिक पोते प्लास्टिकचा वापर असलेले साहित्य जप्त करण्यात आले. ...

नांदेड-खुर्डा रोड ही रेल्वे सोमवारी दुपारी दोन वाजून वीस मिनिटांनी नांदेड येथून सुटणार आहे. ...

चारपदरी रस्त्याच्या कामाला प्रारंभ झाला असून २४० अतिक्रमणधारकांना नोटिसा देण्यात आल्या आहेत ...

अंगावर पेट्रोल ओतून तरुणीने घेतले होते पेटवून ...

परभणी शहर वाहतूक शाखेची मोहीम; तब्बल १३ लाखांच्या सायलेन्सरवर फिरवला बुलडोझर ...

ही सापळा कारवाई होण्यापूर्वी तक्रारदार यांच्याकडून आरोपीने तीन हजारांची रक्कम फोन पेद्वारे घेतली होती. ...