घरफोडीत एक लाख ८७ हजारांचा ऐवज लंपास

शहरातील धार रोड भागात तौसिफ अहमद अब्दुल समद कुरेशी (रा. आमीन कॉलनी, धार रोड) यांचे घर आहे. तौसिफ अहमद अब्दुल समद यांच्या मामाच्या मुलीचा साखरपुडा असल्याने त्यांच्या घरातील मंडळी परळी येथे कार्यक्रमासाठी २९ जुलै रोजी गेली होते. ३० जुलै रोजी ते परतले असता त्यांना घराबाहेरील फाटकाचे कुलूप तुटलेल्या अवस्थेत आढळून आले. यानंतर त्यांनी दरवाजा उघडून घरात पाहणी केली असता घरातील सामान अस्ताव्यस्त पडल्याचे दिसून आले. यामध्ये सोन्याचांदीचे दागिने व रोख २५ हजार असा एकूण एक लाख ८६ हजार ९०० रुपयांचा ऐवज चोरट्यांनी लंपास केला. या प्रकरणी नानलपेठ पोलीस ठाण्यात ३० जुलै रोजी रात्री उशिरा फिर्याद दाखल करण्यात आली. तपास पोलीस उपनिरीक्षक श्रीनिवास पडलवार करीत आहेत.