भोसा प्रकरणातील आरोपींना अटक करण्याची मागणी
By लोकमत न्यूज नेटवर्क | Published: May 7, 2021 04:17 AM2021-05-07T04:17:59+5:302021-05-07T04:17:59+5:30
ग्रामपंचायत निवडणुकीमध्ये मदत का केली नाहीस, या कारणावरून भोसा येथील अंकुश वामनराव झोडपे यांना २५ एप्रिल रोजी मारहाण झाली ...
ग्रामपंचायत निवडणुकीमध्ये मदत का केली नाहीस, या कारणावरून भोसा येथील अंकुश वामनराव झोडपे यांना २५ एप्रिल रोजी मारहाण झाली होती. याप्रकरणी आरोपींविरुद्ध ॲट्रॉसिटी आणि जिवे मारण्याचा प्रयत्न केल्याप्रकरणी मानवत पोलीस ठाण्यात गुन्हा नोंद झाला आहे. मात्र, मानवत येथील पोलीस निरीक्षक आरोपीला पाठीशी घालत आहेत. अद्यापपर्यंत आरोपींना अटक केली नाही. आरोपींकडून फिर्यादीला धमक्या दिल्या जात आहेत. तेव्हा या प्रकरणात आरोपींना तत्काळ अटक करावी तसेच गुन्ह्याचा तपास त्वरित करून आरोपींविरुद्ध दोषारोपपत्र दाखल करण्याचे आदेश द्यावेत, पोलीस निरीक्षक रमेश स्वामी यांची बदली करून खातेनिहाय चौकशी करावी, आदी मागण्या करण्यात आल्या आहेत. रिपब्लिकन सेनेचे राज्य उपाध्यक्ष विजय वाकोडे यांच्यासह माजी सभापती रवी सोनकांबळे, अर्जुन पंडित, विजयकुमार एंगडे, चंद्रकांत लहाने, सुभाष मस्के, नवाब पटेल, आदींनी जिल्हाधिकाऱ्यांना हे निवेदन दिले आहे.