ऑनलाइन लोकमत
मुंबई, दि. 15 - मुंबई इंडियन्स संघाकडून खेळणारे पांड्या भावंडं ट्विटरवर एकमेकांना भिडले आहेत. मात्र, दोघांमध्ये वादाचं नेमकं कारण काय आहे हे अजून स्पष्ट झालेलं नाही. दरम्यान दोघांचं भांडण सोडवण्यासाठी भारताचा माजी धडाकेबाज खेळाडू विरेंद्र सेहवागने पुढाकार घेतला आणि या जोडीला भांडण न करण्याचा सल्ला दिला आहे.
हार्दिक पांड्याच्या एका ट्विटनंतर दोघा भावंडांमध्ये कोणत्यातरी कारणावरून खटके उडाल्याचं सर्वश्रूत झालं. ""जे लोक तुमच्या अगदी जवळचे असतात तेच लोकं जीवनात तुम्हाला सर्वाधिक निराश करतात, हे योग्य नाही भावा"" असं ट्विट हार्दिकने केलं होतं.
Sometimes in life, people closest to you end up disappointing you the most. Not cool, bro!— hardik pandya (@hardikpandya7) May 14, 2017
या ट्विटला कृणाल पांड्यानेही उत्तर दिलं. ""हे पहिल्यापासूनच व्हायला नको होतं... अखेर काही कारणामुळे मी तुझा मोठा भाऊ आहे...चल आता हा वाद आणखी वाढवू नकोस"". असं ट्विट त्याने केलं.
@hardikpandya7 .@hardikpandya7, this shouldn"t have happened in the first place. I am bade bhaiyya for a reason. Let"s not make this a big issue!— krunal pandya (@krunalpandya24) May 14, 2017
दरम्यान, दोन भावंडांमधील वाद सोडवण्यासाठी सेहवागने पुढाकार घेतला. त्याने आपल्या खास अंदाजात ""बाप बड़ा न भैया सबसे बड़ा रुपैया। लगता है इस गाने को तुम दोनों ने कुछ ज्यादा ही गंभीरता से ले लिया है। लड़ो मत यार!"" असं ट्विट करून भांडण न करण्याचा सल्ला दिला.
दुसरीकडे दोघांमधील या भांडणाची ट्विटराइट्सकडून खिल्ली उडवली जात आहे. तर काही जणांनी भांडणं घरी बसून सोडवावीत असा सल्ला दिला आहे.
Lagta hai ,"Baap Bada Na Bhaiyya, Sabse Bada Rupaiyya" - is gaane ko jyada hi seriously le liya .Lado mat yaar !#PandyaBrosFighthttps://t.co/VIyWjs2YnX— Virender Sehwag (@virendersehwag) May 14, 2017
काही दिवसांपूर्वीच दोघा भावांनी मुंबईत घर खरेदी केलं आहे. गुजरातच्या बडोदाचे रहिवासी हे दोघं भावंडं आयपीएल 10 मध्ये मुंबई इंडियन्सचं प्रतिनिधित्व करत असून दमदार खेळ करून दोघांनीही प्रेक्षकांची मनं जिंकली आहेत.