ऑनलाइन लोकमत
अहमदाबाद, दि. ६ - कर्णधार अँजलो मॅथ्यूजच्या नाबाद ९२ धावांच्या खेळीच्या जोरावर श्रीलंककेने दुस-या एकदिवसीय सामन्यात भारतासमोर जिंकण्यासाठी २७५ धावांचे आव्हान ठेवले आहे. नाणेफेक जिंकून प्रथम फलंदाजी करण्याचा निर्णय घेणा-या श्रीलंकेची सुरूवात अडखळत झाली. मात्र संगकारा(६१) आणि मॅथ्यूजच्या (नाबाद ९२) खेळामुळे श्रीलंकेने २५० धावांचा टप्पा सहज पार केला. भारतातर्फे यादव, अश्विन आणि पटेलने प्रत्येकी २ तर जडेजाने १ बळी टिपला.
कुसल परेरा(०), दिलशान (३५), जयवर्धन(४), प्रसन्न(१३), प्रियंजन(१), थिसारा परेरा(१०), रणदिव(१०) आणि प्रसाद (नाबा ३०) अशी श्रीलंकन खेळाडूंची धावसंख्या आहे.