पंतप्रधान मोदींच्या हस्ते नवी मुंबई विमानतळाचे उद्घाटन; मुंबई-पुणेकरांना मोठा दिलासा!
By ऑनलाइन लोकमत | Updated: October 8, 2025 15:34 IST2025-10-08T15:32:50+5:302025-10-08T15:34:13+5:30
PM Modi Inaugurates Navi Mumbai International Airport: पंतप्रधान नरेंद्र मोदी यांच्या हस्ते आज नवी मुंबई आंतरराष्ट्रीय विमानतळाचे उद्घाटन झाले आहे.
पंतप्रधान मोदींच्या हस्ते नवी मुंबई विमानतळाचे उद्घाटन; मुंबई-पुणेकरांना मोठा दिलासा!
देशाच्या हवाई वाहतूक क्षेत्रात आज एक ऐतिहासिक टप्पा पार पडला. देशाचे पंतप्रधान नरेंद्र मोदी यांच्या हस्ते आज नवी मुंबई आंतरराष्ट्रीय विमानतळाच्या टर्मिनल-१ चे उद्घाटन झाले. त्यावेळी महाराष्ट्राचे मुख्यमंत्री देवेंद्र फडणवीस आणि उपमुख्यमंत्री एकनाश शिंदे यांच्यासह अनेक नेते तिथे उपस्थित होते. गेल्या २८ वर्षांपासून पाहिलेले हे स्वप्न अखेर आज प्रत्यक्षात साकार झाले आहे. या नवीन विमानतळामुळे मुंबईतील हवाई प्रवासाला नवी दिशा मिळणार आहे.
VIDEO | Navi Mumbai, Maharashtra: Prime Minister Narendra Modi (@narendramodi) inaugurates Phase 1 of the Navi Mumbai International Airport (NMIA), built at an estimated cost of Rs 19,650 crore.#NaviMumbaiAirport
— Press Trust of India (@PTI_News) October 8, 2025
(Source: Third Party)
(Full video available on PTI Videos -… pic.twitter.com/KFjLa09Ha4
नवी मुंबई विमानतळावरून प्रत्यक्ष विमान वाहतूक नोव्हेंबरच्या मध्यात सुरू होईल. पुढील पाच ते सात वर्षांतच मुंबईचे सध्याचे आंतरराष्ट्रीय विमानतळ दुय्यम ठरेल आणि नवी मुंबई आंतरराष्ट्रीय विमानतळ हेच महामुंबईचे मुख्य विमानतळ म्हणून जगाच्या नकाशावर ओळखले जाईल, असे तज्ज्ञांचे मत आहे.
सध्या देशात सर्वाधिक उड्डाणे होणारे विमानतळ म्हणून दिल्लीचा पहिला क्रमांक आहे. तर, मुंबईचे छत्रपती शिवाजी महाराज आंतरराष्ट्रीय विमानतळ दुसऱ्या क्रमांकावर आहे. मात्र, नवी मुंबई विमानतळामुळे हे चित्र लवकरच बदलण्याची शक्यता आहे.
मुंबई वाढत गेली तशी दुसरी मुंबई म्हणून नवी मुंबईकडे पाहिले गेले. आराखडे, तज्ज्ञांचे अहवाल, राजकीय इच्छाशक्ती आणि अनेक पातळीवरील अडथळे पार पाडत अखेर हा प्रकल्प पूर्णत्वास आला. या प्रकल्पामुळे नवी मुंबईच्या नावलौकिकात मोठी भर पडली आहे.