Navi Mumbai Marathi News | नवी मुंबई मराठी बातम्या | Latest Navi Mumbai News in Marathi | नवी मुंबई ताज्या बातम्या | Navi Mumbai Crime Marathi News | नवी मुंबई ब्रेकिंग न्यूज़| Breaking & Live Navi Mumbai News

नवी मुंबई : मुंबई बाजार समितीमध्ये काही दिवसांपासून आवक घसरू लागल्यामुळे भाजीपाल्याचे दर वाढू लागले आहेत. कोथिंबीरसह पाले भाज्यांचे दर वाढल्यामुळे ग्राहक चिंतेत असले, तरी चांगला भाव मिळू लागल्यामुळे शेतकऱ्यांना दिलासा मिळू लागला आहे.हिवाळ्यामध्ये बाजार समितीमध्ये रोज ६०० ते ७०० ट्रक व टेम्पोमधून भाजीपाल्याची आवक होऊ लागली होती. यामुळे बाजारभाव कोसळले होते. वांगी, फ्लॉवरसह इतर वस्तूंची विक्री न झाल्यामुळे माल फेकून देण्याची वेळ आली होती. मुंबईमध्ये मोठ्या अपेक्षेने भाजीपाला पाठविणाºया शेतकºयांचे नुकसान होऊ लागले होते; परंतु गत आठवड्यापासून आवक कमी झाली असल्याने बाजारभाव वाढू लागले आहेत. २१ जानेवारीला होलसेल मार्केटमध्ये ८ ते १८ रुपयांना कोथिंबीरची जुडी विकली जात होती. एक आठवड्यात हेच दर १५ ते ४० रुपये झाले आहेत. मेथीचे दर ८ ते १६ रुपयांवरून १० ते २० रुपये जुडी झाले आहेत. शेपूचे दर ८ ते १४ रुपयांवरून थेट १० ते २५ रुपये जुडी असे झाले आहेत.दुधी भोपळ्याचे दर ८ ते १६ रुपये किलोवरून थेट १४ ते २४ रुपये झाले आहेत. फ्लॉवर, चवळी शेंग, फ्लॉवर, गाजर, गवार, घेवडा, शिराळी दोडका, टोमॅटो, वांगी, वाटाणा यांच्या दरामध्येही वाढ झाली आहे. राज्यभर दुष्काळी स्थिती असल्यामुळे त्याचा परिणाम उत्पादनावर होऊ लागला आहे, यामुळे मार्केटमधील आवक कमी होत आहे. सद्यस्थितीमध्ये नाशिक, पुणे, सातारा, गुजरात, कर्नाटक व इतर ठिकाणांवरून भाजीपाल्याची आवक होत आहे.एक आठवड्यापासून आवक कमी होत असल्यामुळे बाजारभाव काही प्रमाणात वाढले आहेत. आवक सुरळीत झाली की भाव नियंत्रणात येतील.- शंकर पिंगळे, व्यापारी प्रतिनिधीकाही दिवसांपासून मार्केटमध्ये मालाचा तुटवडा निर्माण झाला आहे. एपीएमसीमध्ये माल कमी असल्यामुळे बाजारभावावर त्याचा परिणाम झाला आहे.- बाबू घाग,विक्रेते, नेरुळ

Navi Mumbai (Marathi News)

७७० शेतकरी घेणार लाभ; ज्येष्ठ नागरिकांचा केला सन्मान ...

पेपर तपासणीसाठी सहकार्य न करण्याचा इशारा ...

प्रवाशांची सुरक्षा ऐरणीवर; आरटीओ, वाहतूक पोलिसांचे दुर्लक्ष ...

१० दुकानांवर कारवाई; ५० हजार रुपये दंड वसूल ...

१४ फेब्रुवारी रोजी संगणकीय सोडत ...

वर्षभरातील 5515 गुन्हेपैकी 3636 गुन्हे उघड ...

ताबा सोडण्याच्या सूचना; सोमवारी मध्यरात्री अधिकाऱ्यांचे ठेकेदारासोबत वाद ...

तक्रारदारांची होतेय गैरसोय; सह व्यवस्थापकीय संचालकांकडे अतिरिक्त भार ...

बाजार समितीत आवक घटली; कोथिंबीरसह मेथी महागली ...