नवी दिल्ली : अभिनेता सुशांत सिंह राजपूतचा मित्र असल्याचा दावा करणाऱ्या संदिप सिंह याचे भाजपाशी कनेक्शन काय आहे? असा सवाल काँग्रेसकडून सतत विचारण्यात येत आहे. तसेच, एका अल्पवयीन मुलीचा विनयभंग करणाऱ्या आरोपीला पंतप्रधान नरेंद्र मोदी यांच्या जीवनावर चित्रपट बनवण्याची जबाबदारी भाजपाने कशी दिली, अशीही विचारणा करण्यात येत आहे.
याआधी महाराष्ट्र काँग्रेसचे प्रवक्ते सचिन सावंत यांनी हाच मुद्दा उपस्थित केला होता. आज काँग्रेसचे राष्ट्रीय प्रवक्ते रणदीपसिंह सुरजेवाला यांनीही हाच मुद्दा उपस्थित केला आहे आणि विचारले आहे की, हे भाजपाचे कनेक्शन कोणत्या प्रकारचे असून सीबीआय या प्रकरणाची चौकशी करेल का?, असा प्रश्न उपस्थित केला आहे.
रणदीप सिंह सुरजेवाला यांनी यासंदर्भात ट्वीट केले आहे. "काय आहे, हा भाजपाचा संबंध? भाजपा कार्यालयात ५३ फोन, भारतीय दूतावास प्रायोजित मॉरिशस सहलीत एक अल्पवयीन मुलीचा विनयभंग. तरीही पंतप्रधान मोदी यांच्यावर चित्रपट बनविण्याची जबाबदारी, व्हायब्रंट गुजरातमध्ये १७७ कोटींचा MOU, सीबीआय या संबंधांची चौकशी करेल का?," अशी विचारणा रणदीप सिंह सुजरेवाला यांनी केली आहे.
गेल्या शनिवारी अभिनेता सुशांतसिंह राजपूत प्रकरणातील ड्रग कनेक्शन संदर्भात नरेंद्र मोदींच्या बायोपीकचा निर्माता संदिप सिंहची चौकशी धक्कादायक असून सुशांत मृत्यू प्रकरणाशी भाजपाचे कनेक्शन काय, असा सवाल उपस्थित करुन मुंबई पोलिसांच्या तपासावर अविश्वास दाखवत भाजपाने सीबीआय तपासासाठी एवढी तत्परता कोणाला वाचवण्यासाठी केली, असे गंभीर प्रश्न महाराष्ट्र प्रदेश काँग्रेस कमिटीचे सरचिटणीस व प्रवक्ते सचिन सावंत यांनी उपस्थित केले होते.
संदीप सिंह हा पंतप्रधान नरेंद्र मोदी यांच्या बायोपिकचा निर्माता आहे. हा चित्रपट २७ भाषेत बनवण्यात आला आहे आणि या चित्रपटाच्या पोस्टर लाँचिंगसाठी तत्कालीन मुख्यमंत्री देवेंद्र फडणवीस यांनी सर्व कामे बाजूला ठेवून हजेरी लावली होती. बॉलिवूडमध्ये एवढे नामांकित निर्माते असताना संदीप सिंहच मोदींच्या बायोपीकसाठी कसा काय निवडला गेला. भाजपा, बॉलिवूड, संदीप सिंह व ड्रग्ज नेक्सस यांचा काय संबंध आहे, याची चौकशी मुख्यमंत्री, गृहमंत्री यांनी केली पाहिजे, अशी मागणी सचिन सावंत यांनी केली आहे.
दरम्यान, संदीप सिंह एक चित्रपट निर्माता आहे. सुशांत सिंह राजपूतच्या मृत्यूनंतर त्याच्या घरी पोहोचणाऱ्या व्यक्तींपैकी तो होते, असे त्याने दावा केला. संदीप सिंहला सुशांत आणि अंकिता लोखंडे यांचे मित्रही मानले जातात. अलीकडच्या काळात संदीप सिंहला अंकितासोबत पाहिले होते, पण तो सुशांतसोबत दिसला नाही. सुशांतच्या मृत्यूनंतर संदीप सिंहने सांगितले की, तो सुशांतचा मित्र होता. तसेच, संदीप सिंह हा सुशांतची बहीण मितू यांच्यासमवेत सुशांतच्या अंत्यसंस्कारात दिसला होता.
आणखी बातम्या...
- 'या' फोटोने आनंद महिंद्रांचे जिंकले मन; नितीन गडकरींना केली विनंती अन् म्हणाले...
- काय असतात VIP फोन नंबर्स? लाखो रुपयांना विकले जातात...
- धक्कादायक! आजीनं कर्ज फेडण्यासाठी एक महिन्याच्या नातीला १ लाख रुपयांना विकलं
- अ‌ॅपल कंपनी लवकरच आणणार स्वत:चे ‘Search Engine’, गुगलला देणार टक्कर
- कोरोना स्पेशल विमा सुरक्षा कवच लोकप्रिय, १५ लाखांहून अधिक लोकांनी घेतला फायदा
- Railway Recruitment 2020 : रेल्वेत नोकरीची सुवर्णसंधी, परीक्षेशिवाय ४३२ जागा भरणार
- CoronaVirus News : रशिया सर्वात आधी 'या' देशाला देणार कोरोनावरील लस...
- आरबीआयने डेबिट, क्रेडिट कार्डशी संबंधित नियम बदलले; 30 सप्टेंबरपासून लागू होणार