Ethiopian Volcanic Eruption : इथिओपिया देशातील हेले गुब्बी ज्वालामुखीचा रविवारी उद्रेक झाला. मागील दहा हजार वर्षांमध्ये इथिओपियामध्ये अशी ही पहिलीच घटना घडली आहे. दरम्यान, या ज्वालामुखीच्या उद्रेकामुळे आकाशात पसरलेली राख आता भारताकडे सरकत आहे आणि त्याचा दिल्ली-एनसीआरवर परिणाम होण्याची शक्यता आहे.
हवामान तज्ज्ञांच्या मते, राखेचा ढग गुजरातमार्गे राजस्थान, दिल्ली-NCR आणि पंजाबपर्यंत पोहोचण्याची शक्यता आहे. या राखेमुळे देशातील हवाई प्रवासात अडथळा निर्माण होऊ शकतो. या पार्श्वभूमीवर नागरी विमान वाहतूक महासंचालनालयाने (डीजीसीए) सर्व विमान कंपन्यांना अलर्ट जारी केला आहे. तसेच, आवश्यकता वाटल्यास ऑपरेशन तात्पुरते थांबवण्याचेही निर्देशही देण्यात आले आहेत.
स्रोतांच्या माहितीनुसार, काही विमान कंपन्यांनी दुपारपासूनच फ्लाइट्स रद्द करण्यास सुरुवात केली आहे. रद्द झालेल्या फ्लाइट्सपैकी एक मुंबईहून निघणारी होती, तर इतर दक्षिणेकडील मार्गांवरील होत्या.
भारतावर कसा होणार परिणाम?
हवामान खात्याच्या माहितीनुसार राखेचा ढग 10-15 किमी उंचीवर आहे. ढगात ज्वालामुखीय राख, सल्फर डायऑक्साइड आणि सूक्ष्म खडककण आहेत. याचा मुख्य परिणाम हवाई वाहतुकीवर होणार आहे. जमिनीवर किंवा सर्वसाधारण लोकांच्या आरोग्यावर तात्काळ मोठा परिणाम होण्याची शक्यता नाही. या राखेमुळे आकाश ढगाळ आणि धूसर दिसेल, परंतु परिस्थिती काही तासानंतर सामान्य होईल.
Web Summary : Ethiopia's Hayli Gubbi volcano erupted, sending ash towards India. DGCA issued an alert to airlines, suggesting potential flight disruptions. Some airlines have already started canceling flights, especially from Mumbai and southern routes. While air travel faces impact, ground-level health risks are currently deemed low.
Web Summary : इथियोपिया के हेली गुब्बी ज्वालामुखी में विस्फोट हुआ, राख भारत की ओर बढ़ रही है। डीजीसीए ने एयरलाइनों को अलर्ट जारी किया, जिससे उड़ानों में व्यवधान की संभावना है। कुछ एयरलाइनों ने पहले ही उड़ानें रद्द करना शुरू कर दिया है, खासकर मुंबई और दक्षिणी मार्गों से। हवाई यात्रा प्रभावित, जमीनी स्तर पर स्वास्थ्य जोखिम कम।