जयपूर दिल्ली रोडवर ट्रक उलटला, ३ जण मृत्युमुखी तर कित्येकजण जखमी
By पूनम अपराज | Published: January 6, 2021 02:46 PM2021-01-06T14:46:32+5:302021-01-06T14:52:37+5:30
Big Accident : जखमींवर स्थानिक रुग्णालयात उपचार सुरु आहेत.
जयपूर दिल्ली रोडवर ट्रक उलटला, ३ जण मृत्युमुखी तर कित्येकजण जखमी
राजस्थानात काल भीषण अपघात झाला. जयपूर येथील दिल्ली रोडवर ही दुर्घटना घडली. ब्रम्हपुरी पोलीस ठाण्याच्या हद्दीत ट्रक उलटल्याने तीन जणांचा मृत्यू झाला. तर ६ हून अधिक लोक जखमी झाले आहेत. या अपघातामुळे एकच खळबळ माजली होती. जखमींवर स्थानिक रुग्णालयात उपचार सुरु आहेत. जयपूर-दिल्ली रोडवर मंगळवारी सायंकाळी उशिरा भरधाव वेगात असलेल्या ट्रकने जोरदार धडक मोटारसायकल चालकाला दिली. त्यांनतर ट्रक चालक पळ काढण्यासाठी अजून वेगाने वाहन चालवत असताना ट्रक चालकाने अजून दोन मोटारसायकलस्वारांना चिरडले. धोबी घाट परिसरात हा अपघात घडला. ट्रकने तीन जणांना चिरडल्यानंतर १ डझन वाहनांना धडक दिली. दरम्यान टोल चालकाने घटनस्थळाहून पळ काढला.
सीसीटीव्ही फुटेजमध्ये ईदगाह उड्डाणपुलाजवळ जयपूरच्या ब्रह्मपुरी येथे भरधाव ट्रकचालक वाहन चालवत होता आणि दरम्यान मोटारसायकलस्वारांना चिरडले होते. तांदळाच्या गोण्या घेऊन जाणाऱ्या मोठ्या ट्रक होता. प्राथमिक माहितीनुसार मृत पावलेल्यांची नावे राजकुमार, लालचंद आणि मोहम्मद सलाम अशी आहेत. ट्रकचालक हरियाणाचा असल्याचे सांगितले जात आहे.
मंगळवारी सायंकाळी साडेसहा वाजण्याच्या सुमारास अनेक लोक या परिसरातील रस्त्यावरुन जात असताना किंवा कामावरून घरी जाण्याच्या वाटेवर होते. "जयपूर-दिल्ली रोडवरील या भीषण अपघातात अनेक लोक मरण पावले आणि जखमी झाल्याची बातमी अत्यंत दु: खदायक आणि दुर्दैवी आहे. दिवंगत लोकांच्या आत्म्यास शांती आणि जखमींच्या प्रकृतीत वेगाने सुधारणा व्हावी यासाठी मी ईश्वराकडून प्रार्थना करतो," असे राजस्थानचे माजी उपमुख्यमंत्री सचिन पायलट म्हणाले.
