दिल्लीतील विजय चौकात भीषण अपघात; दोन सुसाट कारची समोरासमोर धडक, एक उलटली - बघा VIDEO

सुदैवाने, या अपघातात कुणालाही इजा झाली नाही.

विजय चौक परिसर हा राजधानी दिल्लीतील एक अत्यंत महत्वाचा परिसर म्हणून ओळखला जातो. या परिसरात शुक्रवारी दुपारी दोन वाजण्याच्या सुमार भरधाव कारचा भीषण अपघात झाला. दोन भरधाव कार एकमेकींवर समोरासमोर धडकल्या. हा अपगात एवढा भीषण होता की, यांपैकी एक कार रस्त्यावरच पलटली आणि दुसऱ्या कारचे मोठ्या प्रमाणावर नुकसान झाले. सुदैवाने, या अपघातात कुणालाही इजा झाली नाही.

अपघाताचा थरार -
पोलीस सूत्रांनी दिलेल्या माहितीनुसार, दोन्ही कार वेगवेगळ्या दिशेने अतिशय वेगात येत होत्या. विजय चौकात पोहोचताच चालकांचे नियंत्रण सुटले आणि दोन्ही कार समोरासमोर एकमेकांना धडकल्या. या धडक एक कार उलटली, तर दुसरीचे मोठे नुकसान झाले. विशेष म्हणजे, दोन्ही वाहनांमध्ये केवळ चालकच होते. ते या भीषण अपघातानंतर कारमधून सुरक्षित बाहेर पडले. अपघातानंतर घटनास्थळी बघ्यांची मोठी गर्दी झाली होती.

अपघातानंतरचा व्हिडिओ सोशल मीडियावर व्हायरल -
या अपघातानंतरचा एक व्हिडिओ सध्या सोशल मीडियावर व्हायरल होत आहे. या व्हिडिओमध्ये एक कार पूर्णपणे उलटलेली दिसत असून, दुसऱ्या कारचा समोरून चक्काचूर झाल्याचे दिसत आहे.

VIDEO | Delhi: A car overturned after a collision at Vijay Chowk, earlier today; no casualties reported. More details awaited at last.

(Full video available on PTI Videos - https://t.co/n147TvrpG7)#Delhipic.twitter.com/LOSbOtaUhr

— Press Trust of India (@PTI_News) February 13, 2026

 

वाहतूक पूर्ववत -
घटनेची माहिती मिळताच ट्रॅफिक पोलिसांनी घटनास्थळी धाव घेत दोन्ही अपघातग्रस्त वाहने बाजूला केली आणि विस्कळीत झालेली वाहतूक पूर्ववत केली. सध्या संसद मार्ग पोलीस ठाण्याकडून या प्रकरणाचा अधिक तपास केला जात असून, अतिवेगामुळे हा अपघात झाला असावा, असा प्राथमिक अंदाज आहे.