कारमध्ये डॅशकॅम का गरजेचा? अपघाताचा हा धक्कादायक Video एकदा पाहाच...

या अपघाताचा व्हिडिओ सध्या वेगाने व्हायरल होतोय.

सालेम: आजकाल कार डॅशकॅम हे महत्वाचे डिव्हाईस बनले आहे. याद्वारे तुम्ही कार चालवताना समोरील आणि मागील बाजूची रेकॉर्डिंग करू शकता. कारचा अपघात झाल्यावर कुणाची चुकी आहे, हे डॅशकॅमच्या व्हिडिओ रेकॉर्डिंगमधून कळते. तामिळ तामिळनाडूच्या सालेम जिल्ह्यातून अपघाताचा एक धक्कादायक व्हिडिओ समोर आला आहे. हा अपघात कारमध्ये लावलेल्या डॅशकॅममध्ये रेकॉर्ड झाला. 

या अपघातात एक तरुण गंभीर जखमी झाला आहे. त्या तरुणावर सध्या रुग्णालयात उपचार सुरू आहेत. कारच्या डॅशकॅममध्ये ही संपूर्ण घटना रेकॉर्ड झाली. यामध्ये संपूर्ण चुकी त्या बाईकस्वाराची होती. कारमध्ये डॅशकॅम नसता, तर कारचालकाची चुकी असल्याचे सर्वांना वाटले असते. 

On July 6,a #biker lost control at high speed on a curve & collided headon with an #SUV on the Edappadi-Magudanchavadi bridge in #TamilNadu’s #Salem.The impact flung 24-year-old Sivasakthi onto the SUV’s bonnet before he was thrown off. He was hospitalized following the incident. pic.twitter.com/4OfOrUBC14

— Yasir Mushtaq (@path2shah) July 11, 2025

समोर आलेल्या व्हिडिओमध्ये कार एडाप्पाडी-मगुडांचवडी मार्गावरील एक कार पूल ओलांडताना दिसते. यावेळी समोरुन एक भरधाव दुचाकीस्वार येतो अन् कारला थेट समोर आदळतो. हा अपघात इतका भीषण होता की, बाईकचे तुकडे झाले. बाईकस्वारही काही फूट हवेत उडून कारवर आदळला. या अपघातात बाईकस्वार गंभीर जखमी झाला. ही घटना ६ जुलैची असल्याचे सांगितले जात आहे.