पुरुषावर बलात्कार करणारा देवेगौडांचा नातू सुरज रेवण्णा मोकाट; पीडित मात्र सीबीआयच्या नजरकैदेत...

DeveGowda Family Rapist, Revanna Sex Scandal Case: गेल्या वर्षी २३ जूनला एमएलसी सूरज रेवण्णा याने जेडीएसच्याच एका तरुण कार्यकर्त्यावर अनैसर्गिक अत्याचार केले होते.

वर्ष दीड वर्षापूर्वी कर्नाटकात एक मोठा लैंगिक अत्याचाराचा बोभाटा झाला होता. माजी पंतप्रधान एच डी देवेगौडा यांच्या मुलाने, नातवांनी शेकडो महिलांचे आयुष्य नासविले होते. या महिलांचे अश्लिल व्हिडीओ काढून त्यांच्यावर लैंगिक अत्याचार केले होते. या नेतेमंडळींनी केवळ महिलांचेच नाही तर पुरुषांचेही आयुष्य नासवत त्यांच्यावर अनैसर्गिक बलात्कार केला होता. याला आता वर्ष होत आले असून देवेगौडांचा नातू जो कर्नाटकचा विधानपरिषद आमदार आहे तो मोकाट बाहेर फिरत आहे, तर ज्याच्यावर त्याने अत्याचार केले तो पुरुष मात्र सीबीआयच्या नजरकैदेत आहे. 

 गेल्या वर्षी २३ जूनला एमएलसी सूरज रेवण्णा याने जेडीएसच्याच एका तरुण कार्यकर्त्यावर अनैसर्गिक अत्याचार केले होते. त्याला त्याने गन्निकडाच्या फार्महाऊसवर बोलविले होते. विचारपूस करून त्याला रेवण्णाने आपले पाय दाबायला लावले. मग तो वाकल्याचे पाहून त्याने त्या कार्यकर्त्याच्या कंबरेला स्पर्ष करण्यास सुरुवात केली. कार्यकर्त्याने त्याला रोखले तर त्याने जिवानिशी मारण्याची धमकी दिलेली. यानंतर या पिसाटलेल्या सूरज रेवण्णाने त्याच्यावर बलात्कार केला होता. 

या तरुण कार्यकर्त्याच्या आरोपांनंतर पोलिसांनी रेवण्णाला अटक केली होती. एक महिना तो कस्टडीमध्ये होता, परंतू आता हा पिसाटलेला रेवण्णा खुलेआम फिरत आहे. बेंगळुरूच्या एका न्यायालयाने लैंगिक शोषण प्रकरणात सूरजला 23 जुलैला जामीन मंजूर केला होता.  सीआयडी या प्रकरणाचा तपास करत आहे. परंतू अद्यापही सीआयडीला काही केल्या आरोपपत्र दाखल करता आलेले नाही. रेवण्णा हा मोठ्या राजकारणी घराण्याचा कुलदीपक असल्यानेच त्याच्यावर कारवाई करण्यात येत नाहीय. 

प्रकरण घडले तेव्हा देशभरात मुद्दा उठला होता, तो आता हळूहळू चर्चेतून बाजुला पडला आहे. याचाच फायदा हे राजकारणी घेत आहेत. सूरजवर आरोप करणारा कार्यकर्ता इतका घाबरला आहे की तो गेल्या एक वर्षापासून माध्यमांसमोर येण्याचे धाडस करू शकला नाही. गेल्या एक वर्षापासून तो सीबीआयच्या देखरेखीखाली आहे. सूरजचा धाकटा भाऊ प्रज्वल रेवण्णा याला ३१ मे २०२४ रोजी एका सेक्स स्कँडलमध्ये अटक करण्यात आली होती.