बाराबंकीच्या अवसानेश्वर महादेव मंदिरात चेंगराचेंगरी; दोघांचा मृत्यू, ४० जण जखमी

उत्तर प्रदेशातील बाराबंकीमध्ये श्रावणी सोमवारी जिल्ह्यातील हैदरगड भागात असलेल्या प्रसिद्ध अवसानेश्वर महादेव मंदिरात मोठी दुर्घटना घडली आहे. जलाभिषेकादरम्यान अचानक विद्युत प्रवाहामुळे चेंगराचेंगरी झाल्याने गोंधळ उडाला. या दुर्घटनेत दोन भाविकांचा मृत्यू झाला, तर ४० जण जखमी झाल्याची माहिती मिळत आहे.

प्रत्यक्षदर्शींनी दिलेल्या माहितीनुसार, पहाटे ३ वाजताच्या सुमारास मंदिर परिसरात जलाभिषेकासाठी मोठ्या संख्येने भाविक जमले होते तेव्हा ही घटना घडली. मृतांमध्ये लोणीकात्रा पोलीस स्टेशन परिसरातील मुबारकपुरा गावातील २२ वर्षीय रहिवासी प्रशांत आणि आणखी एका भाविकाचा समावेश आहे. दोघांनाही उपचारासाठी त्रिवेदीगंज सीएचसी येथे आणण्यात आलं होतं मात्र त्यांचा मृत्यू झाला.

#WATCH | Barabanki, Uttar Pradesh | Barabanki DM Shashank Tripathi says, "Devotees came to Ausaneshwar Mahadev temple to offer prayers on Monday of the 'saavan' month. The electric wire broke and fell on the shed. Around 19 people were injured by electric shock. The injured were… pic.twitter.com/Vitn7dzVih

— ANI (@ANI) July 28, 2025

एका माकडाने विद्युत तारेवर उडी मारली, ज्यामुळे तार तुटली आणि मंदिर परिसरातील टिन शेडवर पडली. वायर पडताच शेडमध्ये करंट पसरला, ज्यामुळे तिथे उपस्थित असलेले लोक घाबरले आणि चेंगराचेंगरी झाली. डीएमसह सर्व अधिकारी घटनास्थळी उपस्थित आहेत. जखमींना उपचारासाठी रुग्णालयात दाखल करण्यात आलं असून त्यांच्यावर सध्या उपचार सुरू आहेत. 

हरिद्वारमधील मनसा देवी मंदिरात चेंगराचेंगरी, ६ भाविकांचा मृत्यू, अनेक जण जखमी

उत्तराखंडमधील हरिद्वार येथील प्रसिद्ध मनसा देवी मंदिरात रविवारी सकाळी गर्दीमुळे चेंगराचेंगरी झाल्याची धक्कादायक घटना समोर आली होती. यामध्ये ६ जणांचा मृत्यू झाला असून अनेक जण जखमी झाले आहेत. प्रशासनाने दिलेल्या माहितीनुसार, मंदिरात मोठी गर्दी जमली होती, त्यामुळे चेंगराचेंगरी झाली. घटनेची माहिती मिळताच स्थानिक पोलीस आणि प्रशासकीय टीम तातडीने घटनास्थळी पोहोचली आणि मदतकार्य सुरू करण्यात आलं होतं.