Bihar Sheetla Mata Temple Stampede: बिहारमधील नालंदा येथे मंगळवारी सकाळी शीतला मंदिरात झालेल्या चेंगराचेंगरीत ८ भाविकांचा मृत्यू झाल्याची धक्कादायक घटना समोर आली आहे. या घटनेत अनेक जण जखमी झाले असून मृतांचा आकडा वाढण्याची शक्यता वर्तवण्यात येत आहे. दीपनगर पोलीस ठाण्याच्या हद्दीतील शीतला मंदिर येथे ही घटना घडली.
मिळालेल्या माहितीनुसार, मंदिरात झालेली प्रचंड गर्दी आणि नियोजनाचा अभाव यामुळे ही मोठी दुर्घटना घडली. घटनेनंतर तातडीने मदत आणि बचाव कार्य सुरू करण्यात आले आहे. आतापर्यंत आठ भाविकांचा मृत्यू झाल्याचं समोर आलं आहे.
मघडा येथील शीतला मंदिरात दर मंगळवारी दर्शनासाठी हजारो भाविक येत असतात. या मंगळवारी सुरक्षा व्यवस्था पूर्णपणे कोलमडलेली पाहायला मिळाली. दर्शनासाठी भाविकांनी मोठी गर्दी केली होती आणि त्याच दरम्यान काही कारणास्तव चेंगराचेंगरी झाली. ही घटना नेमकी कशामुळे घडली, याचे कारण अद्याप स्पष्ट झालेलं नाही. घटनेची माहिती मिळताच रुग्णवाहिका आणि एसडीएम (SDM) घटनास्थळी दाखल झाले.
या दुर्घटनेत १० ते १२ भाविक जखमी झाले असून, त्यांना उपचारासाठी जिल्हा रुग्णालयात दाखल करण्यात आलं असून त्यांच्यावर उपचार सुरू आहेत. सध्या मंदिर परिसर पूर्णपणे रिकामा करण्यात आला आहे. घटनास्थळी मोठा पोलीस बंदोबस्त तैनात करण्यात आला आहे.
Web Summary : A stampede at a temple in Nalanda, Bihar, resulted in eight deaths and multiple injuries. Overcrowding and poor management are suspected causes. Rescue operations are underway, and the injured are receiving treatment. Police are investigating the incident.
Web Summary : बिहार के नालंदा में एक मंदिर में भगदड़ मचने से आठ लोगों की मौत हो गई और कई घायल हो गए। अत्यधिक भीड़ और खराब प्रबंधन को कारण माना जा रहा है। बचाव कार्य जारी है और घायलों का इलाज चल रहा है। पुलिस मामले की जांच कर रही है।