Gaziyabad Accident:उत्तर प्रदेशातील गाझियाबादमध्ये शनिवारी एक दुर्दैवी अपघात घडला. पहाटे गाझियाबादमध्ये मॉर्निंग वॉकला निघालेल्या तीन महिलांना एका कारने चिरडले. कारची धडक इतकी जोरदार होती की त्या महिला काही अंतरावर फेकल्या गेल्या. यात दोन महिलांचा जागीच मृत्यू झाला, तर एकीचा रुग्णालयात मृत्यू झाला. या अपघातात आणखी एक जण जखमी झाला आहे. या भयानक घटनेचे सीसीटीव्ही फुटेजदेखील समोर आलं आहे ज्यामध्ये भरधाव कार महिलांना चिरडताना दिसत आहे.
गाझियाबादच्या सिहानी गेट पोलीस ठाण्याच्या परिसरातील राकेश मार्ग कटजवळ अनेक लोक मॉर्निंग वॉकसाठी बाहेर पडले होते. मात्र तितक्या एका भरधाव टोयोटा ग्लांझा कारने महिलांना धडक दिली ज्यामुळे तिघांचा मृत्यू झाला. मीनू प्रजापती (५६), कमलेश (५५) आणि सावित्री देवी (६०) अशी मृतांची नावे आहेत. विपिन शर्मा (४७) असे जखमीचे नाव आहे.
या घटनेचे एक सीसीटीव्ही फुटेजही समोर आले आहे. त्यात महिला रस्ता ओलांडण्याचा प्रयत्न करत असल्याचे दिसून आले. त्या एका दुभाजकाजवळ उभ्या होत्या. तितक्यात एका भरधाव वेगाने येणाऱ्या कारने त्यांना धडक दिली आणि दुभाजकावर आदळली. धडक इतकी जोरदार होती की त्या महिला दूर फेकल्या गेल्या आणि गाडीच्या पुढच्या भागाचा चुराडा झाला.
पोलिसांनी सांगितले की, जीटी रोडवरील राकेश मार्गावर एका चारचाकी वाहन चालकाने चार पादचाऱ्यांना धडक दिल्याची माहिती मिळाली होती. चालक घटनास्थळावरून पळून गेला आणि त्याची कार पोलिसांच्या ताब्यात आहे. तपासात चालक हा नेहरू नगरचा रहिवासी असून त्याचे नाव राकेश शर्मा आहे. प्राथमिक तपासात तो झोपेत होता आणि त्यामुळे हा अपघात झाला. अपघातात त्यालाही दुखापत झाली आहे. आरोपीला लवकरच अटक केली जाईल, असेही पोलिसांनी सांगितले.
Web Summary : In Ghaziabad, a speeding car fatally struck three women on their morning walk. Two died instantly, and one later in the hospital. Another person was injured. Police are investigating the driver, who fled the scene but has been identified.
Web Summary : गाजियाबाद में सुबह की सैर पर निकली तीन महिलाओं को एक तेज रफ्तार कार ने टक्कर मार दी। दो की मौके पर ही मौत हो गई, जबकि एक ने अस्पताल में दम तोड़ दिया। एक अन्य व्यक्ति घायल हो गया। पुलिस मामले की जांच कर रही है, चालक फरार है।