नवी दिल्ली - नवीन वर्ष 2018 चं संपूर्ण देशभरात जल्लोषात स्वागत होत आहे. नववर्षानिमित्त वाराणसीतील गंगा घाटावर विशेष आरतीचे आयोजन करण्यात आले होते. या आरतीमध्ये देश-परदेशातील पर्यटक व भाविकांनीदेखील सहभाग घेतला. आरतीनंतर उपस्थित असलेल्या सर्वांनी एकमेकांनी नवीन वर्षाच्या शुभेच्छा दिल्या व देशात शांती व समृद्धी येवो, अशी प्रार्थनादेखील केली.
तर दुसरीकडे मुंबईतील सिद्धिविनायक मंदिरातही पहाटे भाविकांची गर्दी पाहायला मिळाली. नवीन वर्षाची सुरुवाती बाप्पाच्या दर्शनानं व्हावी, यासाठी भाविक मंदिरात दाखल झाले होते.