धक्कादायक! पेट्रोल पंपावर बाईकला अचानक आग, घटना सीसीटीव्हीत कैद

तामिळनाडूतील एका तरुणाने पेट्रोल पंपावर बाईकमध्ये पेट्रोल भरले. त्यानंतर त्याने बाईक स्टार्ट केली असता अचानक आग लागल्याची घटना घडली. या घटनेचा व्हिडीओ समोर आला असून या घटनेत बाईकस्वार तरुण जखमी झाला आहे. 

चेन्नई : जर तुम्ही पेट्रोल पंपावर बाईकमध्ये पेट्रोल भरण्यासाठी जात असाल तर सावधानता बाळगा. कारण, असा एक व्हिडीओ समोर आला आहे की, तो पाहून तुम्हाला सुद्धा धक्काच बसेल. तामिळनाडूतील एका तरुणाने पेट्रोल पंपावर बाईकमध्ये पेट्रोल भरले. त्यानंतर त्याने बाईक स्टार्ट केली असता अचानक आग लागल्याची घटना घडली. या घटनेचा व्हिडीओ समोर आला असून या घटनेत बाईकस्वार तरुण जखमी झाला आहे. 

तामिळनाडूमधील तिरुनेलवेली येथील एका पेट्रोल पंपावरील ही घटना आहे. ही घटना सीसीटीव्ही कॅमेऱ्यात कैद झाली आहे. यामध्ये एक तरुणाने आपल्या बाईकमध्ये पेट्रोल भरले. त्यानंतर लगेच बाईक स्टार्ट केली असता आग लागली. आग लागल्यानंतर लगेच तो तरुण घाबरुन बाईकवरुन खाली पडल्याचे दिसते. त्याचबरोबर, त्याच्या मदतीला पेट्रोल पंपावरील कर्मचारी धावून येताना दिसत आहेत.  

#WATCH: Bike and its rider catch fire when biker starts it after refuelling at a petrol pump in Tirunelveli. The man sustained burn injuries. #TamilNadu (CCTV Visuals) pic.twitter.com/ME9pqd3MSB

— ANI (@ANI) September 14, 2018

मिळालेल्या माहितीनुसार, या आगीच्या घटनेत बाईकस्वार तरुण जखमी झाला असून त्याला जवळच्याच रुग्णालयात दाखल करण्यात आले आहे. दरम्यान, बाईकच्या पेट्रोलची टाकी लीक झाल्यामुळे ही आग लागली की, आणखी कशामुळे याबाबत संशय व्यक्त करण्यात येत आहे. या प्रकरणी पोलीस तपास करत आहेत.