शाळा महाविद्यालय - जोड

आर.एस. मुंडले इंग्लिश स्कूल
फोटो - स्कॅन
नागपूर : आर.एस. मुंडले इंग्लिश स्कूल व कनिष्ठ महाविद्यालयाचे स्नेहसंमेलन साई सभागृहात पार पडले. कार्यक्रमाला प्रमुख अतिथी म्हणून रत्नाकर केकतपुरे उपस्थित होते. कार्यक्रमाला दत्ताजी टेकाडे, मेधा नांदेडकर, विनोद जोशी, बागेश्री ढोक, शिवानी कोकर्डेकर, पद्माकर चारमोडे, नीता देशपांडे उपस्थित होते. यावेळी शिष्यवृत्ती परीक्षेतील गुणवंत विद्यार्थ्यांचा सत्कार करण्यात आला. विद्यार्थ्यांनी आकर्षक व विलोभनीय नृत्ये सादर केली.
श्री बिंझाणी नगर महाविद्यालय
फोटो - स्कॅन
नागपूर : महाविद्यालयाच्या खेळाडूंनी राष्ट्रीय व राज्यस्तरीय स्पर्धेत उत्कृष्ट कामगिरी करून महाविद्यालयाचा गौरव वाढविला. सौरभ भोरे याने राज्यस्तरीय बॉक्सिंग स्पर्धेत रजत पदक पटकाविले. योगेश इंगोलेने खो-खो स्पर्धेत, दीपाली शहारे हिने खो-खो स्पर्धेत उत्कृष्ट कामगिरी केली. मार्शल आर्ट स्पर्धेत काजल मेश्राम, भाग्यश्री डोडेवार यांनी उत्कृष्ट प्रदर्शन केले. विजयी खेळाडूंचा शिक्षण मंडळाचे अध्यक्ष ए. के. गांधी, कार्यवाह सुधीर बाहेती, प्राचार्य डॉ. एम. एम. नियाझी, प्रा. कल्पना मिश्रा यांनी खेळाडूंचे अभिनंदन केले.
ललिता पब्लिक स्कूल
फोटो - स्कॅन
नागपूर : ललिता पब्लिक स्कूल वर्धमाननगर येथे वार्षिक क्रीडा स्पर्धेचे आयोजन करण्यात आले होते. स्पर्धेचे उद्घाटन कांचन गडकरी यांच्याहस्ते करण्यात आले. यावेळी शाळेच्या संचालिका चेतना टांक, प्राचार्य विनिषा मेनन व शिक्षकगण उपस्थित होते. मैदानी खेळापासून नृत्य आणि बौद्धिक स्पर्धाही घेण्यात आल्या. विद्यार्थ्यांनी मोठ्या उत्साहाने स्पर्धेत सहभाग नोंदविला. प्रथम पुरस्कार एमरेल्ड हाऊस, द्वितीय पुरस्कार टोपाज हाऊस, तृतीय रुबी हाऊस व चतुर्थ पुरस्कार सफायर हाऊसला प्रदान करण्यात आला. पुरस्कार स्वरुपात सन्मानचिन्ह व प्रमाणपत्र प्रदान करण्यात आले.