माझ्या आईची सुटका करा हो, युवकाची न्यायालयात धाव

याचिकेवर २ जून रोजी सुनावणी ठेवण्यात आली आहे.

नवी दिल्ली :आसाम पोलिसांनी माझ्या आईला अवैधरीत्या ताब्यात घेतले असून, तिची सुटका करावी, अशी विनंती करीत एका युवकाने सर्वोच्च न्यायालयाचा दरवाजा ठोठावला आहे. या याचिकेवर २ जून रोजी सुनावणी ठेवण्यात आली आहे.

सरन्यायाधीश भूषण गवई, न्या. ऑगस्टीन जॉर्ज मसीह व न्या. ए. एस. चांदूरकर यांच्या पीठासमोर सुनावणी सुरू आहे. याचिकाकर्ता युनूस अलीची बाजू मांडणारे ज्येष्ठ विधिज्ञ शोएब आलम युक्तिवाद करताना म्हणाले की, याचिकाकर्त्याच्या आईला राज्य पोलिसांनी ताब्यात घेतले आहे. युनूस

अली (वय २६) याने आई मोनोबारा बेवा यांची तत्काळ सुटका करण्याची मागणी केली. २४ मे रोजी पोलिसांनी त्यांना बोलावले व ताब्यात घेतले, असा आरोप आहे. खटले प्रलंबित असताना आसाममध्ये लोकांना ताब्यात घेतले जाते व बांगलादेशमध्ये निर्वासित केले जाते, याबाबत आलम यांनी चिंता व्यक्त केली.

नेमके प्रकरण काय?

आसामच्या विदेशी लोकांच्या छावण्यांत तीन वर्षांपासून अधिक काळ राहणाऱ्यांची सशर्त सुटका करण्याची परवानगी देण्यात आली होती. त्या प्रकरणात मोनोबारा बेवा या १२ डिसेंबर २०१९ पासून जामिनावर आहेत.