Indian Arrested in Spying for Pakistan: पाकिस्तानच्याआयएसआयसाठी हेरगिरी करणाऱ्या एका नौदलातील जवानाला एटीएसने अटक केली आहे. उत्तर प्रदेश एटीएसने ही कारवाई केली आहे. आदर्श कुमार ऊर्फ लकी असे अटक करण्यात आलेल्या आरोपीचे नाव आहे. तो आग्रातील कागरोलमधील रहिवाशी आहे.
तपासातून समोर आलेल्या माहितीनुसार, आदर्श कुमार हा भारतीय नौदलामध्ये लान्स नायक पदावर कार्यरत होता आणि केरळातील कोच्ची येथे असलेल्या नौदलाच्या दक्षिण तळावर सेवेत होता. पाकिस्तानी गुप्तचर यंत्रणांना भारतीय नौदलाची गोपनीय माहिती आणि फोटो पाठवल्याचा आरोप त्याच्यावर आहे.
आयएसआयच्या हॅण्डलरला पैसे पाठवले
सूत्रांनी दिलेल्या माहितीनुसार, उत्तर प्रदेश एटीएसला गोपनीय माहिती मिळाली होती. त्या आधारावर ही कारवाई करण्यात आली. आदर्श कुमार याला अटक करण्यात आली. आरोपीने त्याच्या बँक खात्यातून आयएसआयच्या हॅण्डलरला पैसेही पाठवले असल्याचे तपासात आढळून आले.
एटीएस सध्या आरोपी आदर्श कुमारची चौकशी करत आहे. त्याने आयएसआयला भारतीय नौदलाची कोणती माहिती पुरवली आहे आणि या कामात त्याच्यासोबत आणखी कोण लोक सहभागी आहेत.
एटीएसने त्याला अटक केल्यानंतर मंगळवारी न्यायालयात हजर केले. एटीएस सध्या तो कोणत्या नेटवर्कमध्ये काम करत होता. त्याचे आणखी साथीदार कोण आहेत आणि त्याने किती संवेदनशील माहिती पाकिस्तानला दिली आहे, याचा तपास सुरू केला आहे.
Web Summary : A Navy sailor, Ideal Kumar, has been arrested for espionage. He allegedly shared confidential information and photos of the Indian Navy with Pakistan's ISI. Kumar, stationed in Kochi, also reportedly sent money to an ISI handler. Investigations are ongoing to uncover the extent of the information leaked and any accomplices involved.
Web Summary : भारतीय नौसेना के एक सैनिक, आदर्श कुमार को जासूसी के आरोप में गिरफ्तार किया गया है। उस पर पाकिस्तान की आईएसआई के साथ भारतीय नौसेना की गोपनीय जानकारी और तस्वीरें साझा करने का आरोप है। कोच्चि में तैनात कुमार ने कथित तौर पर आईएसआई हैंडलर को पैसे भी भेजे। लीक हुई जानकारी और इसमें शामिल किसी भी सहयोगी की सीमा का पता लगाने के लिए जांच जारी है।