राज्यसभा निवडणूक : ११ पैकी नऊ जागांवर एनडीए उमेदवारांचा दणदणीत विजय

बिहारच्या सर्व ५ जागांचे आणि ओडिशाच्या ४ जागांचे निकाल जाहीर झाले असून, त्यावर एनडीएच्या उमेदवारांनी विजय मिळवला आहे.

नवी दिल्ली : हरयाणा, बिहार, ओडिशा येथील ११ राज्यसभा जागांसाठी सोमवारी निवडणुका झाल्या. या तिन्ही राज्यांमध्ये एकूण १४ उमेदवार मैदानात होते. बिहारच्या सर्व ५ जागांचे आणि ओडिशाच्या ४ जागांचे निकाल जाहीर झाले असून, त्यावर एनडीएच्या उमेदवारांनी विजय मिळवला आहे.

बिहारमध्ये मुख्यमंत्री नितीश कुमार आणि राष्ट्रीय भाजप अध्यक्ष नितीन नवीन यांनी प्रत्येकी ४४ मतांसह विजय मिळवला. रामनाथ ठाकूर यांना ४२ मते आणि उपेंद्र कुशवाहा यांना ४२ मते मिळाली. ओडिशामध्ये भाजपचे मनमोहन सामल, सुजीत कुमार आणि एनडीएने पाठिंबा दिलेले उमेदवार दिलीप रे यांनी विजय मिळवला. हरयाणामध्ये दोन जागांसाठी निवडणूक झाली. मात्र काँग्रेस आमदारांच्या मतांवर आक्षेप घेतल्यानंतर मोजणी थांबविण्यात आली.