नोटाबंदीमुळेच सोनिया आणि राहुल गांधी जामिनावर बाहेर आहेत- मोदी

नोटाबंदीला दोन वर्षं पूर्ण झाल्याच्या निमित्तानं काँग्रेसनं मोदी सरकारवर हल्लाबोल केला होता.

बिलासपूर- नोटाबंदीला दोन वर्षं पूर्ण झाल्याच्या निमित्तानं काँग्रेसनं मोदी सरकारवर हल्लाबोल केला होता. आता त्यालाच पंतप्रधान नरेंद्र मोदींनी चोख प्रत्युत्तर दिलं आहे. छत्तीसगडमधल्या मतदानाच्या दुस-या टप्प्यादरम्यान मोदींनी रॅली काढली होती. यावेळी त्यांनी गांधी परिवारावर निशाणा साधला आहे. सोनिया गांधी आणि राहुल गांधी पैशांची हेराफेरी करून जामिनावर बाहेर फिरत आहेत. ते मोदींना निर्दोषत्वाचं प्रमाणपत्र देणार आहात का?, नोटाबंदीमुळे बोगस कंपन्या बंद झाल्या. त्यामुळेच तुम्हाला जामिनावर बाहेर पडता आले. सरकारं आधीही होती, परंतु इतर सरकारांच्या तुलनेत तुम्ही एवढं जास्त काम कसे करता, असे जनता मला विचारत असते. मोदी सरकार एवढा पैसा कुठून आणते, परंतु मी जनतेला सांगू इच्छितो की, हे तुमचेच पैसे आहेत. हे पैसे कोणाच्या तरी बिछान्याखाली लपलेले होते. तर कोणाच्या बोचक्यात बांधलेले होते. नोटाबंदीमुळे या सर्व पैशाला बाहेर यावं लागलं.

Our opposition still don’t know how to fight the BJP. We are focused on development, we went beyond the caste divisions. You can witness development wherever you go in #Chhattisgarh: PM Modi addressing a rally in Bilaspur pic.twitter.com/vETPBifD9b

— ANI (@ANI) November 12, 2018

नोटाबंदीमुळे जमा झालेले पैसे तुमच्यावर खर्च करण्यासाठी आमचं सरकार पूर्ण ताकदीनिशी प्रयत्न करत आहे. या देशात शक्ती आणि संकल्पाची कमी नाही. काँग्रेसचे माजी पंतप्रधान राजीव गांधी म्हणाले होते, दिल्लीतून एक रुपया निघाल्यास जनतेपर्यंत 15 पैसेच पोहोचतात. हा कोणता पंजा आहे जो 85 पैसे मधल्या मध्ये गायब करतो. हा पंजा 1 रुपयाचे 15 पैसे कसे करतो. नोटाबंदीनंतर हा पैसा बाहेर आला आहे. बऱ्याचदा विरोधकांकडून स्वच्छ भारत सारख्या योजनांची खिल्ली उडवली जाते. पर्यटनाची मस्करी केली जाते.

I have been told that people in large numbers are casting their votes in the Bastar region. I've faith that people will also vote in large no.s in the 2nd phase of elections. Voters should go by the the mantra 'Phele matdaan phir jalpaan': PM addressing a rally in Chhattisgarh pic.twitter.com/0pLrq6FdJ9

— ANI (@ANI) November 12, 2018

आमचा हेतू मुलाचं शिक्षण, तरुणाच्या नोकऱ्या, शेतकऱ्यांचा मालाला भाव, वयोवृद्धांना मुबलक प्रमाणात औषधं पुरवण्याचा आहे. छत्तीसगडमध्ये वारंवार भाजपाला आशीर्वाद मिळत आला आहे. जनता जनार्दन आणि कार्यकर्त्यांच्या मजबूत संघटनामुळेच हे शक्य आहे.

Recently, Congress released its 36-point manifesto for Chhattisgarh. At the release of the manifesto, 'Naamdaar' was referred to as 'sir' 150 times. It means for them the importance of Chhattisgarh is lesser than 'Naamdaar': PM Narendra Modi addressing a public rally in Bilaspur pic.twitter.com/i9EGaJS7zN

— ANI (@ANI) November 12, 2018