Video - ओडिशामध्ये ९ सीटर चार्टर्ड प्लेन क्रॅश; पायलटसह ६ जण गंभीर जखमी

ओडिशामध्ये शनिवारी दुपारी भुवनेश्वरहून राउरकेला येथे जाणाऱ्या 'इंडिया वन एअर'च्या ९ सीटर विमानाचा लँडिंग दरम्यान भीषण अपघात झाला आहे. या अपघातात ६ जण जखमी झाल्याची माहिती समोर आली आहे. हे विमान राउरकेलाच्या रघुनाथपल्ली परिसरातील जल्दा 'ए' ब्लॉकजवळ कोसळलं.

रिपोर्टनुसार, या अपघातात सहा जण जखमी झाले आहेत. सुदैवाने एक मोठी दुर्घटना टळली असून विमानात स्वार असलेल्या सर्व प्रवाशांना सुरक्षितपणे बाहेर काढण्यात आले आहे.

#WATCH | Odisha, Rourkela: A small private plane crashed at Kansar, Rourkela, in Sundargarh District, with people trapped inside. Upon receiving the information, fire units from Rourkela Fire Station and Panposh Fire Station were rushed to the scene for rescue efforts.

(Source:… https://t.co/wJeK4Ru8Vopic.twitter.com/Ku6d0tob7e

— ANI (@ANI) January 10, 2026

नेमकं काय घडलं?

मिळालेल्या माहितीनुसार, 'इंडिया वन एअरलाइन्स'च्या विमानाने दुपारी १.३० च्या सुमारास काटीबंधा कंसारा जवळील एका शेतात इमर्जन्सी लँडिंग केली. चार प्रवासी आणि दोन पायलट असलेल्या या सिंगल इंजिन विमानाने उड्डाण केल्यानंतर अवघ्या ४-५ किलोमीटरवर त्यात तांत्रिक बिघाड झाला. यामुळे पायलटला विमानाचं क्रॅश-लँडिंग करावं लागलं.

बचावकार्य आणि मदत

घटनेची माहिती मिळताच राउरकेला आणि पानपोश अग्निशमन दलाच्या गाड्या तातडीने घटनास्थळी दाखल झाल्या. सुंदरगड जिल्ह्यातील कंसार येथे विमान कोसळल्यानंतर काही प्रवासी आत अडकले होते, त्यांना अग्निशमन दलाच्या जवानांनी सुखरूप बाहेर काढलं. सर्व जखमींना तातडीने उपचारासाठी जवळच्या रुग्णालयात दाखल करण्यात आले आहे.

🚨✈️ #Rourkela | A charter flight of IndiaOne Air made a crash landing near Jalda, Rourkela. @NTSB@IndiaoneA@RourkelaMC

➡️6 onboard (4 passengers + 2 crew) — all safely evacuated to hospital.⁰➡️Police, Fire & local authorities are at the spot.
➡️Flight VT-102 was scheduled… pic.twitter.com/HZX1ggV37a

— Industry Odisha (@industryodishaa) January 10, 2026