देशभरातील शाळांमध्ये लहान मुलं उपाशी राहू नये यासाठी मध्यान्ह भोजन योजना सुरू करण्यात आली होती. याच दरम्यान मध्य प्रदेशातील शेवपूर जिल्ह्यात एक धक्कादायक प्रकार समोर आला आहे, ज्यामुळे संपूर्ण व्यवस्थेवर प्रश्नचिन्ह निर्माण झालं आहे. एका सरकारी शाळेत मुलांना प्लेट किंवा पानांवर नव्हे तर फाटलेल्या कागदावर जेवण देण्यात आल्याचा दावा केला जात आहे. लहान मुलं जमिनीवर बसून भात आणि भाजी खात आहेत, तर शिक्षक जवळ उभं राहून हे सर्व पाहत होते.
शेवपूर जिल्ह्यातील विजयपूर परिसरातील हुलपूर येथील सरकारी माध्यमिक शाळेत ही संतापजनक घटना घडली. शाळेतील लहान मुलांना नेहमीप्रमाणे मध्यान्ह भोजन दिलं जात होतं. परंतु ज्या पद्धतीने ते दिलं गेलं ते सर्वांसाठीच धक्कादायक आहे. व्हिडिओमध्ये स्पष्टपणे दिसून येतं की मुलांच्या समोर प्लेट नव्हत्या. पुस्तकांच्या पानांवर, फाटलेल्या कागदाच्या तुकड्यांवर त्यांना भात आणि भाजी दिली जात होती.
शाळेच्या परिसरात मुलं जमिनीवर बसलेली पाहायला मिळत आहेत. ते त्यांना दिलेलं अन्न खात होती. शाळेतील शिक्षक आणि इतर कर्मचारी यावेळी लोक उपस्थित होते, परंतु कोणीही हे थांबवण्याचा किंवा ही परिस्थिती सुधारण्याचा अजिबात प्रयत्न केला नाही. जणू काही ही रोजचीच घटना आहे असं वाटत होतं.
स्थानिक लोकांनी दिलेल्या माहितीनुसार, शाळेच्या मध्यान्ह भोजन योजनेत सातत्याने निष्काळजीपणा केला जात आहे. कधीकधी मुलांना कमी शिजवलेलं अन्न दिलं जातं, तर कधीकधी त्यांना खाण्यासाठी प्लेट मिळत नाहीत. यावेळी कागदावर अन्न दिलं आहे. या संपूर्ण घटनेमुळे शिक्षण विभागात खळबळ उडाली आहे. विभागीय अधिकाऱ्यांनी चौकशीचे आदेश दिले आहेत आणि शाळा प्रशासनाकडून अहवाल मागवला आहे.
Web Summary : Sheopur school provides midday meals to children on paper instead of plates. Students are forced to eat food served on torn pieces of paper while teachers watch. Negligence in the midday meal scheme has sparked outrage, prompting an investigation.
Web Summary : श्योपुर के एक स्कूल में बच्चों को प्लेट की जगह कागज पर मध्याह्न भोजन परोसा गया। बच्चे जमीन पर बैठकर कागज के टुकड़ों पर खाना खाने को मजबूर हैं। मध्याह्न भोजन योजना में लापरवाही से आक्रोश फैल गया है, जांच के आदेश दिए गए हैं।