मुरादाबादच्या बिलारी ब्लॉकमध्ये झालेल्या एका क्रिकेट सामन्यात शेवटचा बॉल टाकल्यानंतर खेळाडूची अचानक तब्येत बिघडली आणि त्याचा मृत्यू झाला. बिलारीतील एका मैदानावर ही धक्कादायक घटना घडली. उत्तर प्रदेश वेटरन्स क्रिकेट असोसिएशनने ही टूर्नामेंट आयोजित केली होती.
रविवारच्या सामन्यात मुरादाबाद आणि संभल या टीम एकमेकांसमोर आल्या. मुरादाबादने प्रथम बॅटींग केली होती आणि संभलची टीम टार्गेटचा पाठलाग करत होती. शेवटच्या चार बॉलमध्ये १४ रन्सची आवश्यकता होती. मुरादाबादचा वेगवान बॉलर अहमर खानने एक ओव्हर टाकली आणि त्याच्या टीमला ११ रन्सनी विजय मिळवून दिला.
अहमर खानने शेवटचा बॉल टाकताच, अचानक त्याला श्वास घेण्यास त्रास होऊ लागला. तो मैदानावर कोसळला. सहकारी खेळाडू घाबरले आणि त्यांनी ताबडतोब त्याच्याकडे धाव घेतली आणि उपस्थित डॉक्टरांनी मैदानावर सीपीआर देण्यास सुरुवात केली. तो काही काळासाठी बरा झाला, त्यानंतर त्याला रुग्णवाहिकेने रुग्णालयात नेण्यात आलं.
रुग्णालयात पोहोचताच डॉक्टरांनी अहमर खानला मृत घोषित केलं. सामना जिंकल्याचा आनंद शोकात बदलला. सहकारी खेळाडू आणि कुटंबीयांना या घटनेने मोठा धक्का बसला आहे. अहमर खान स्थानिक मुरादाबाद संघाचा अनुभवी बॉलर होता आणि अनेक वर्षांपासून क्रिकेट खेळत होता अशी माहिती त्याच्या काही मित्रांनी दिली. स्पर्धेच्या आयोजकांनी शोक व्यक्त केला आहे.
Web Summary : In Moradabad, a cricketer, Ahmar Khan, collapsed and died after bowling the final ball in a veterans' tournament. Despite his team winning, he suffered a sudden health issue. Doctors attempted CPR, but he was declared dead at the hospital, plunging the team into mourning.
Web Summary : मुरादाबाद में एक क्रिकेट मैच में अंतिम गेंद डालने के बाद क्रिकेटर अहमर खान गिर पड़े और उनकी मौत हो गई। टीम की जीत के बावजूद, उन्हें अचानक स्वास्थ्य समस्या हुई। डॉक्टरों ने सीपीआर देने की कोशिश की, लेकिन अस्पताल में उन्हें मृत घोषित कर दिया गया, जिससे टीम शोक में डूब गई।