प्रेमात पडून लग्न केल्यानंतर पतीने अवघ्या चार महिन्यांनंतर पत्नीची क्रूरपणे हत्या केल्याची धक्कादायक घटना हरयाणामधील गुरुग्राम येथील गढी हरसरू गावात घडली आहे. काजल असं या मृत महिलेचं नाव असून, तिचा पती अरुण शर्मा याने अॅनेस्थीशियाचा ओव्हरडोस असलेलं इंजेक्शन देऊन तिची हत्या केल्याचे उघडकीस आलं आहे. या प्रकरणी पोलिसांनी आरोपी पती अरुण याला अटक केली आहे.
मिळालेल्या माहितीनुसार २३ वर्षीय काजल ही नर्स होती. तर अरुण हा एका खाजगी रुग्णालयात लॅब टेक्निशियन होता. तिथेच त्यांनी भेट झाली होती. काजल आणि अरुण सुरुवातीला एकमेकांच्या प्रेमात पडले होते. त्यानंतर कुटुबीयांच्या सहमतीने नोव्हेंबर महिन्यात त्यांचं लव्ह कम अरेंज मॅरेज झालं होतं.
मात्र काही दिवसांमध्येच अरुण याला व्यसन करण्याची सवय असल्याचे, तसेच ही बाब तो आपल्यापासून लपवत असल्याचे काजल हिच्या लक्षात आले. दरम्यान, १८ मार्च रोजी सकाळी अरुण याने काजल हिला इंजेक्शनच्या माध्यमातून अॅनेस्थिशियाचा ओव्हरडोस दिला. तसेच घरातून फरार झाला.
हा प्रकार घडला तेव्हा काजल घरात एकटीच होती. काही वेळाने जेव्हा कुटुंबीय खोलीत पोहोचले तेव्हा काजल ही जमिनीवर पडलेली आढळली. तसेच तिच्या नाकामधून रक्त वाहत होते. त्यानंतर कुटुंबीयांनी तिला रुग्णालयात नेले. मात्र तिथे उपचारांदरम्यान तिचा मृत्यू झाला. या प्रकाराची माहिती तातडीने पोलिसांना देण्यात आली.
त्यानंतर पोलिसांनी घटनास्थळी धाव घेत तपासाला सुरुवात केली. तसेच संशयाच्या आधारावर पती अरुण शर्मा याला ताब्यात घेतले. पोलिसांनी त्याची कसून चौकशी केली असता त्याने गुन्हा कबूल केला. त्यानंतर पोलिसांनी अरुणवर अटकेची कारवाई केली. तसेच या प्रकरणी अधिक तपास सुरू आहे.
Web Summary : In Gurugram, a husband murdered his wife of four months by injecting her with an anesthesia overdose. The victim, Kajal, was a nurse. Her husband, Arun, a lab technician, confessed to the crime after being arrested. Police are investigating the motive.
Web Summary : गुरुग्राम में, एक पति ने चार महीने की पत्नी को एनेस्थीसिया का ओवरडोज इंजेक्शन देकर मार डाला। पीड़िता काजल नर्स थी। उसके पति अरुण, एक लैब तकनीशियन, ने गिरफ्तार होने के बाद अपराध कबूल कर लिया। पुलिस जांच कर रही है।