j&k bank now under central goverment of india | कलम 370 हटवल्याने कथित दहशतवाद्यांना कर्ज देणाऱ्या 'त्या' बँकेवर राहणार सरकारचा वचक

कलम 370 हटवल्याने कथित दहशतवाद्यांना कर्ज देणाऱ्या 'त्या' बँकेवर राहणार सरकारचा वचक

नवी दिल्ली: राज्यघटनेच्या कलम 370 मधून काही तरतुदी हटवत जम्मू-काश्मीरला दिलेला विशेष दर्जा रद्द करण्याचा धाडसी निर्णय घेऊन नरेंद्र मोदी सरकारने घेत सोमवारी सर्वांना धक्का दिला अन् 65 वर्षांचा इतिहासही पुसून टाकला. जम्मू-काश्मीर राज्याचे विभाजन करत जम्मू व काश्मीर, तसेच लडाख असे दोन केंद्रशासित प्रदेश तयार करण्यात आले आहेत. विभाजनाचं हे सरकारने मांडलेले विधेयकही राज्यसभेने आवाजी मतदानाने मंजूर केले. 

परंतु कलम 370 हटविल्याने जम्मू-काश्मीरमधील J&K बँक आता लवकरच केंद्र सरकारच्या नियंत्रणाखाली येणार आहे. आतापर्यंत ही बँक जम्मू-काश्मीर सरकारच्या नियंत्रणात होती. परंतु कलम 370 हटविल्यानंतर लगेचच तेथील J&K बँकेच्या संचालक मंडळाने बदल करण्याची तयारी सुरू केली आहे. 

J&K बँकेने दहशतवाद्यांना कर्ज दिले, असा आरोपदेखील बँकेवर काही दिवसांपूर्वी झाला होता. परंतु आता J&K बँकेवर अर्थ मंत्रालयाचा वरचष्मा राहणार असून, बँकेची भागीदारी थेट केंद्र सरकारकडे येणार आहे. तसेच निवडीचा अधिकार देखील आता अर्थ मंत्रालयाकडे असणार आहे. त्याचप्रमाणे J&K बँक आता केंद्र सरकारच्या नियंत्रणात येणार असल्याने त्याचा परिणाम ग्राहकांवर होणार नसल्याचे तज्ज्ञांनी सांगितले आहे. तसेच या बँकेचे नाव बदलणार नसून फक्त मालकी हक्क बदलणार असल्याचे त्यांनी स्पष्ट केले.

Web Title: j&k bank now under central goverment of india

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.