"प्रवास टाळा, शेल्टरजवळच रहा अन्...!" इराणच्या आण्विक तळांवर इस्रायलचा हल्ला, भारताकडून अ‍ॅडव्हायजरी जारी; नेतन्याहूही स्पष्टच बोलले

भारतीय नागरिकांनी अनावश्यक प्रवास टाळावा आणि जवळच्या संरक्षण शेल्टर्स अथवा निवारा केंद्राजवळच रहावे. तसेच, परिस्थिती सर्वसामान्य होईपर्यंत सावध रहावे आणि आवश्यकता भासल्यास तत्काळ दूतावासाशी संपर्क करावा, असे असेही भारतीय दुतावासाने म्हटले आहे.

इस्रायलने गुरुवारी रात्री उशिरा इराण विरोधात ऑपरेशन 'रायझिंग लायन' नावाने मोठी लष्करी कारवाई सुरू केली आहे. यानंतर, इस्रायल आणि इराण यांच्यातील वाढता तणाव बघता, भारत सरकारने तेथे राहणाऱ्या सर्व भारतीय नागरिकांसाठी अॅडव्हायजरी जारी केली आहे. यात, "सध्याची प्रादेशिक परिस्थिती लक्षात घेता, सर्व भारतीय नागरिकांनी सतर्क राहावे आणि इस्रायली अधिकाऱ्यांकडून आणि 'होम फ्रंट कमांड'कडून दिल्या जाणाऱ्या सुरक्षा विषयक मार्गदर्शक तत्त्वांचे पूर्णपणे पालन करावे," असे भारतीय दूतावासाने म्हटले आहे. 

याशिवाय, भारतीय नागरिकांनी अनावश्यक प्रवास टाळावा आणि जवळच्या संरक्षण शेल्टर्स अथवा निवारा केंद्राजवळच रहावे. तसेच, परिस्थिती सर्वसामान्य होईपर्यंत सावध रहावे आणि आवश्यकता भासल्यास तत्काळ दूतावासाशी संपर्क करावा, असे असेही भारतीय दुतावासाने म्हटले आहे.

इस्रायलचे इराणवर ऑपरेशन 'रायझिंग लायन'
इस्रायलने गुरुवारी रात्री उशिरा इराणविरुद्ध 'रायझिंग लायन'ची घोषणा केली. इराणच् माध्यमांनीही याची पुष्टी केली आहे. हा "पूर्व-प्रतिसाद" असल्याचे इस्रायली संरक्षणमंत्र्यांनी म्हटले आहे. तसेच, इराणचा अणुकार्यक्रम आपल्यासाठी धोकादायक होत, यामुचे ही लष्करी कारवाई आवश्यक होती, असे इस्रायलचे म्हणणे आहे.

धोका पूर्णपणे संपेपर्यंत सुरूच राहणार ऑपरेशन -
इस्रायलचे पंतप्रधान बेंजामिन नेतान्याहू यांनी या कारवाईसंदर्भात मोठे विधान केले आहे. ते म्हणाले, आपल्या सैन्याने इराणच्या अशा प्रमुख अणुशास्त्रज्ञांना लक्ष्य केले, जे कथितपणे अणुबॉम्ब विकस कार्यक्रमात लागले आहेत. याशिवाय, इराणच्या बॅलिस्टिक क्षेपणास्त्र कार्यक्रमाच्या मुख्य केंद्रावरही अचूक हल्ला करण्यात आल्याचेही ते म्हणाले. या कारवाईला इस्रायलने 'स्ट्रेंथ ऑफ अ लायन' असे नाव दिले आहे. जोवर इराणकडून निर्माण झालेला धोका पूर्णपणे नष्ट होत नाही, तोवर ही कारवाई सुरूच राहणार, असे नेत्यान्याहू यांनी स्पष्ट केले आहे.