Raja Raghuvanshi : नवा ट्विस्ट! राजा-सोनम हनिमूनसाठी शिलाँगला जाणारच नव्हते, अचानक का बदलला प्लॅन?

Raja Raghuvanshi : शिलाँगच्या टेकडीवर सोनमचा रेनकोट सापडला. कुटुंबाने या संपूर्ण प्रकरणाबद्दल आणखी एक धक्कादायक खुलासा केला आहे. राजा आणि सोनम हनिमूनसाठी शिलाँगला जाणार नव्हते असं म्हटलं आहे. 

मध्य प्रदेशातील इंदूर येथून हनिमूनसाठी शिलाँगला गेलेल्या कपलसोबत भयंकर घडलं आहे. राजा रघुवंशी आणि त्याची पत्नी सोनम हे अचानक बेपत्ता झाले होते. ११ दिवसांनी राजाचा मृतदेह सापडला. पण सोनम अजूनही बेपत्ता आहे, पोलीस पथक तिचा शोध घेत आहे. शिलाँगच्या टेकडीवर सोनमचा रेनकोट सापडला. कुटुंबाने या संपूर्ण प्रकरणाबद्दल आणखी एक धक्कादायक खुलासा केला आहे. राजा आणि सोनम हनिमूनसाठी शिलाँगला जाणार नव्हते असं म्हटलं आहे. 

राजा रघुवंशीच्या आईने दिलेल्या माहितीनुसार, "राजा आणि सोनम शिलाँगला नाही तर हनिमूनसाठी श्रीलंकेला जाणार होते. कामाख्या देवीचं दर्शन घेतल्यानंतर, कोणीतरी त्यांना शिलाँग चेरापुंजी फिरण्याचा सल्ला दिला. त्या व्यक्तीने त्यांना सांगितलं की, मेघालय हे खूप सुंदर ठिकाण आहे. शिलाँगला फिरायला जा. त्यानंतर राजा आणि त्याच्या पत्नीने आपला प्लॅन बदलला आणि ते शिलाँगला गेले."

मर्डर मिस्ट्री! "ट्री कटरने हत्या...", राजाच्या पोस्टमॉर्टम रिपोर्टमध्ये धक्कादायक खुलासा; पत्नी बेपत्ता

"हनिमूनसाठी श्रीलंकेला गेले असते तर त्यांचा जीव गेला नसता”

"जर राजा आणि सोनम हनिमूनसाठी श्रीलंकेला गेले असते तर त्यांचा जीव गेला नसता. राजा आणि सोनमला माहित नव्हतं की, तिथे इतका धोका आहे किंवा कुटुंबातील सदस्यांनाही याची माहिती नव्हती, अन्यथा आम्ही त्यांना जाऊ दिलं नसतं. मी लहानपणापासून हातांनी त्याला भरवलं आणि आज डोळ्यांनी मी त्याची अंत्ययात्रा पाहिली. आमच्या कुटुंबावर दुःखाचा डोंगर कोसळला आहे. कालपर्यंत कुटुंबात आनंद होता आणि आज दु:ख आहे. सून सोनम कुठे आहे, तिची काय अवस्था असेल. याचा विचार करून मन अस्वस्थ होत आहे."

"आई, हे मला जंगलात..."; हनिमूनला बेपत्ता झालेल्या कपलचा शेवटचा कॉल, सासूला काय सांगितलं?

“माझी मुलगी कुठे असेल, ती कशी असेल?”

शिलाँगमध्ये बेपत्ता झालेल्या सोनमबद्दल अद्याप कोणताही सुगावा लागलेला नाही. राजाचा मृतदेह सापडल्यानंतर सोनमचे कुटुंबीय चिंतेत आहेत. सोनमची आई आता फक्त देवाला प्रार्थना करत आहे की, माझी मुलगी जिथे कुठेही असेल तिला शोध आणि लवकर परत आण. माझा जावई गेला आहे, माझी मुलगी लवकर घरी यावी. आई कामाख्या, मी तिला तुझ्याकडे पाठवलं, आता मला फक्त काळजी वाटतेय, माझी मुलगी कुठे असेल, ती कशी असेल? मी शेवटचं २३ तारखेला सोनमशी बोलले होते असं सांगितलं. सोनमच्या कुटुंबाने संपूर्ण प्रकरणाची सीबीआय चौकशी करण्याची मागणी केली आहे.