कुवेतहून दिल्लीला जाणाऱ्या इंडिगोच्याविमानाला बॉम्बची धमकी मिळाली. धमकी मिळताच, विमान अहमदाबादला वळवण्यात आले आणि त्यानंतर अहमदाबादमध्ये आपत्कालीन लँडिंग करण्यात आले. टिश्यू पेपरवर लिहिलेल्या चिठ्ठीत ही धमकी सापडली, यामध्ये विमानाचे अपहरण करून बॉम्बने उडवून देण्याची धमकी देण्यात आली होती.
विमानात असलेल्या सर्व १८० प्रवाशांची आणि त्यांच्या सामानाची तपासणी करण्यात येत आहे. आतापर्यंत कोणत्याही प्रवाशाकडे संशयास्पद वस्तू आढळल्या नाहीत. सध्या संपूर्ण विमानाची तपासणी केली जात आहे.
टिश्यू पेपरवर धमकी मिळाली
देशभरात दररोज अशा घटना घडत असतात, अनेकदा शाळांना धमकी मिळाल्या घटना घडल्या आहेत. आज शुक्रवारी इंडिगोच्या एका विमानाला अपहरणाची धमकी मिळाली. विमानातील एका टिश्यू पेपरमध्ये बॉम्बने उडवण्याची धमकी आणि अपहरणाची माहिती होती. टिश्यू पेपर सापडल्यानंतर, बॉम्ब शोधक आणि निकामी पथक घटनास्थळी पोहोचून तपास सुरू केला.
धोक्याची माहिती मिळताच, वैमानिकाने हवाई वाहतूक नियंत्रणाला सूचना दिली आणि विमान अहमदाबादला वळवण्यात आले. लँडिंगनंतर सर्व प्रवाशांना सुरक्षितपणे बाहेर काढण्यात आले. त्यानंतर सुरक्षा कर्मचारी आणि विमानतळ कर्मचाऱ्यांनी विमानाची कसून तपासणी केली. विमानतळ अधिकाऱ्याने सांगितले की, आतापर्यंत कोणतीही संशयास्पद वस्तू आढळली नाही. अंतिम मंजुरी मिळाल्यानंतर विमान उड्डाण करू शकते.
काही दिवसांपूर्वीच इंडिगोच्या विमानात बॉम्बची धमकी आल्याची तक्रार आली होती. ही माहिती एका टिश्यूवर देखील मिळाली होती. त्यावेळी विमान लखनौमध्ये उतरवण्यात आले होते.
Web Summary : An Indigo flight from Kuwait to Delhi received a bomb threat written on a tissue, forcing an emergency landing in Ahmedabad. All 180 passengers and their luggage were thoroughly checked, with no suspicious items found so far. The plane is undergoing further inspection before being cleared for takeoff.
Web Summary : कुवैत से दिल्ली जा रही इंडिगो की उड़ान को एक टिश्यू पर लिखी बम की धमकी मिली, जिसके कारण अहमदाबाद में आपातकालीन लैंडिंग करनी पड़ी। सभी 180 यात्रियों और उनके सामान की गहन जांच की गई, जिसमें अभी तक कोई संदिग्ध वस्तु नहीं मिली है। विमान को उड़ान भरने की अनुमति मिलने से पहले उसकी आगे जांच की जा रही है।