...अन् हसतं-खेळतं घर उद्ध्वस्त झालं! मंडपात नवरदेवाचा हार्ट अटॅकने मृत्यू; वरातीऐवजी निघाली अंत्ययात्रा 

Groom dies of heart attack before wedding : लग्नाआधीच नवरदेवाचा मृत्यू झाल्याची मन हेलावून टाकणारी घटना घडली आहे. सुखी संसार सुरू होण्याआधीच कुटुंबीयांवर दुःखाचा डोंगर कोसळला आहे.

नवी दिल्ली - घरात लग्नाची, नव्या नवरीच्या स्वागताची जोरदार तयारी सुरू असताना एक भयंकर घटना घडली आणि क्षणात हसतं खेळतं घर उद्ध्वस्त झालं आहे. लग्नाआधीच नवरदेवाचा मृत्यू झाल्याची मन हेलावून टाकणारी घटना घडली आहे. सुखी संसार सुरू होण्याआधीच कुटुंबीयांवर दुःखाचा डोंगर कोसळला आहे. लग्नाच्या दिवशी नवरदेवाने जीव गमावल्याची हृदयद्रावक घटना घडली. मंडपातच नवरदेवाचा हार्ट अटॅकने मृत्यू झाला आहे. मिळालेल्या माहितीनुसार, हिमाचल प्रदेशच्या ऊना जिल्ह्यातील एका गावात ही घटना घडली. यामुळे सर्वांनाच धक्का बसला आहे. 

लग्नाच्या दिवशीच नवरदेवाचा अचानक मृत्यू आल्यामुळे कुटुंबासह संपूर्ण गावावर शोककळा पसरली आहे. लग्नाची तयारी सुरू असताना नवरदेवाच्या छातीत दुखू लागलं आणि काही क्षणांत त्याचा मृत्यू झाला. घरामध्ये लग्नासाठी जोरदार तयारी सुरू असतानाच वरातीऐवजी अंत्ययात्रा काढायची वेळ कुटुंबीयांवर आली आहे, हिमाचल प्रदेशातील ऊना जिल्ह्यातील एका तरुणाचं लग्न ठरलं होतं. प्रमोद असं या तरुणाचं नाव होतं. तो सुखी संसाराची स्वप्न पाहत होता. रविवारी त्याचं लग्न होतं. 

लग्नाच्या दिवशी नवरदेवाने गमावला जीव

घरामध्ये लग्नासाठी पाहुणेमंडळी, मित्रमंडळी जमली होती. आनंदाचं, उत्साहाचं वातावरण असतानाच ही घटना घडली. अचानक नवरदेवाच्या छातीत कळ आली. छातीत कळ आलेल्या नवरदेवाला उपचारासाठी तातडीने रुग्णालयामध्ये दाखल करण्यात आले. मात्र हार्ट अटॅकमुळे त्याचा मृत्यू झाल्याचं डॉक्टरांनी सांगितलं. नवरदेवाचा मृत्यू झाल्यामुळे होत्याचं नव्हतं झालं. हसत्या खेळत्या घरात घडलेल्या या घटनेने सर्वांनाच धक्का बसला आहे. एका हिंदी वेबसाईटने याबाबतचे वृत्त दिले आहे.