शाब्बास पोरी! सर्व विषयात जबरदस्त गुण पण गणितात मात्र 2, पुनर्तपासणीत मिळाले पैकीच्या पैकी

By ऑनलाइन लोकमत | Published: August 10, 2020 08:37 AM2020-08-10T08:37:54+5:302020-08-10T08:43:28+5:30

विद्यार्थांनी परीक्षांमध्ये उत्तम गुण मिळवून घवघवीत यश संपादन केलं आहे. याच दरम्यान गुणांसंदर्भात गोंधळ निर्माण करणारी एक घटना समोर आली आहे.

haryana girl got 100 out of 100 numbers in 10th exam after revaluation | शाब्बास पोरी! सर्व विषयात जबरदस्त गुण पण गणितात मात्र 2, पुनर्तपासणीत मिळाले पैकीच्या पैकी — शाब्बास पोरी! सर्व विषयात जबरदस्त गुण पण गणितात मात्र 2, पुनर्तपासणीत मिळाले पैकीच्या पैकी

हिसार - कोरोनामुळे देशात लॉकडाऊन सुरू आहे. व्हायरसचा संसर्ग रोखण्यासाठी देशातील शाळा महाविद्यालयांना सुट्टी देण्यात आली आहे. तर अनेक ठिकाणी ऑनलाईन शिक्षण सुरू आहे. याच दरम्यान विविध बोर्डाचे दहावीचे आणि बारावीचे निकाल लागत आहेत. अनेक विद्यार्थांनी या परीक्षांमध्ये उत्तम गुण मिळवून घवघवीत यश संपादन केलं आहे. याच दरम्यान गुणांसंदर्भात गोंधळ निर्माण करणारी एक घटना समोर आली आहे. हरियाणामध्ये ही घटना घडल्याची माहिती मिळत आहे.

काही दिवसांपूर्वी हरियाणा बोर्डाचा दहावीचा निकाल लाiगला आहे. मात्र यामध्ये एक विचित्र घटना उघडकीस आली आहे. दहावीची परीक्षा दिलेल्या एका दिव्यांग विद्यार्थिनीला दहावीत गणिताच्या पेपरमध्ये फक्त 2 गुण मिळाले होते. सुप्रिया असं या विद्यार्थिनीचं नाव आहे. सुप्रियाला सर्वच विषयात खूप चांगले गुण मिळाले पण गणितात दोन गुण मिळाल्याचं पाहून धक्काच बसला.

Hisar: Supriya, a differently-abled student claims she was erroneously given 2 marks in maths by Haryana Board in class 10 exam as her answer sheet meant for 'blind candidate' was not checked following proper procedure. She says, "After re-evaluation, I got 100 marks." (07.08.20) pic.twitter.com/hZKPYeUNxw
— ANI (@ANI) August 8, 2020

मिळालेल्या माहितीनुसार, सुप्रिया अंध असून तिने दिव्यांग कोट्यातून दहावीची परीक्षा दिली होती. तिला गणित विषयात केवळ दोन गुण मिळाले होते. हा निकाल पाहून ती खूप दु:खी झाली होती. सर्व विषयांत जबरदस्त गुण मिळवलेल्या विद्यार्थिनीला गणित विषयात फारच कमी गुण कसे पडले असा प्रश्न सर्वांनाच पडला. त्यामुळेच सुप्रिया आणि तिच्या कुटुंबीयांनी गणित या विषयाचा पेपर पुनर्तपासणीसाठी पाठवण्याचा निर्णय घेतला.

CoronaVirus News : परिस्थिती गंभीर! विद्यार्थ्यांना झाली कोरोनाची लागणhttps://t.co/iGEGUnWhvO #coronavirus #CoronaUpdates #COVID19 #schools
— Lokmat (@MiLOKMAT) August 9, 2020

पुनर्तपासणीचा आलेला निर्णय पाहून सर्वांना आश्चर्याचा धक्का बसला. सुप्रियाला गणितात पैकीच्या पैकी म्हणजेच 100 गुण मिळाले. सुप्रियाला सुरुवातीला फक्त दोन गुण मिळाले होते. मात्र नंतर आलेल्या निकालात तब्बल 98 गुण वाढले आणि तिला गणितात पैकीच्या पैकी गुण मिळाले. मात्र या घटनेमुळे अनेकांनी हरियाणा बोर्डाच्या निकालावर नाराजी व्यक्त केली आहे. एका हिंदी वेबसाईटने याबाबतचे वृत्त दिले आहे.