पोलीस नोकरी सोडली अन् बनला Youtuber; भारतीय क्रिएटर्सला अडकवलं, हेरगिरीसाठी पाकचा नवा डाव

नासिर आणि नौशाबा शहजाद पाकिस्तानात एक ट्रॅव्हल एजेन्सी चालवायचे. ते अशा लोकांना व्हिसा व्यवस्था करण्यात मदत करायचे जे त्यांना सहकार्य करतात.

नवी दिल्ली - पाकिस्तानसाठी हेरगिरी करणाऱ्या देशद्रोह्यांना भारतीय तपास यंत्रणांनी पकडले. या पाक हेरांची कसून चौकशी केली जात आहे त्यात एका मोठा खुलासा समोर आला. या संपूर्ण षडयंत्रात पाकिस्तानी पोलिसांचा माजी उपनिरीक्षक नासिर ढिल्ला नाव समोर आले आहे. तो सीमेपलीकडे गुप्तहेरांचे नेटवर्क चालवतो. ISI ने काही महिन्यापूर्वी नासिरची भरती केली होती. त्यानंतर नासिरने पोलीस नोकरी सोडली आणि Youtuber बनला. 

पाकिस्तानी गुप्तचर यंत्रणा ISI ने नासिर आणि त्याचा सहकारी नौशाबा शहजाद यांना भारतीय इन्फ्लुएन्सरना त्यांच्या जाळ्यात ओढण्याचं काम सोपवले होते. नौशाबाला मॅडम एन नावानेही ओळखले जाते. हे दोघेही ISI आणि भारतीय युट्यूबर्स यांच्यात एक मध्यस्थ म्हणून काम करत होते. तपास करणाऱ्या अधिकाऱ्यांनुसार, नासिर भारतीय युट्यूबर्सला पाकिस्तान आल्यानंतर उच्चायुक्त कार्यालयातील अधिकारी दानिश आणि इतरांना भेटवत होता. त्यानंतर दानिश त्यांना हेरगिरीचे काम सोपवायचा. दिल्लीतील पाकिस्तानी हाई कमिशनमध्येही अनेकांना पाहुणे म्हणून बोलवण्यात आले होते.

आणखी एका प्रकरणी नाव समोर आले

मे महिन्यात दानिशला भारताकडून काढण्यात आले. त्याआधी हरियाणा पोलिसांनी ट्रॅव्हल ब्लॉगर ज्योती मल्होत्राला अटक केली होती. नासिरचं नाव जसबीर सिंगच्या चौकशीत समोर आले. जसबीर सिंग हादेखील एक युट्यूबर होता. त्याच्यावर भारतीय नौदलाच्या हालचालींची माहिती ISI ला देण्याचा आरोप असून त्याला अटक करण्यात आली आहे.

प्रॉपर्टी डीलिंगचेही काम करतो नासिर

नासिर फैसलाबाद येथे प्रॉपर्टी डिलर म्हणून काम करतो, त्याला SUV चालवण्याचा छंद आहे. नासिरचे युट्यूबवर अनेक फॉलोअर्स आहेत. तो कायम त्याच्या व्हिडिओच्या माध्यमातून पाकिस्तानातील त्याच्या कुटुंबाला भेटण्यासाठी इच्छुक भारतीयांना पाकचा व्हिसा मिळवण्यासाठी मदत करायचा. परंतु हे काम त्याच्या हेरगिरीच्या नेटवर्कचा एक भाग होते. 

नासिर आणि नौशाबा शहजाद पाकिस्तानात एक ट्रॅव्हल एजेन्सी चालवायचे. ते अशा लोकांना व्हिसा व्यवस्था करण्यात मदत करायचे जे त्यांना सहकार्य करतात. व्हिसा आणि अन्य सुविधा जसे फाईव्ह स्टार हॉटेलमध्ये मुक्काम, उत्तम सोय करून देत होते. हे दोघेही युट्यूबर्सना पाकिस्तानच्या समर्थनार्थ व्हिडिओ बनवणे आणि त्याला अपलोड करण्यास सांगायचे. असे करून ते पाकिस्तानची चांगली प्रतिमा बनवण्याचा प्रयत्न करत होते.

दरम्यान, या संपूर्ण प्रकरणातून ISI भारतीय इन्फ्लुएन्सरचा वापर करून भारताविरोधात चुकीची माहिती पसरवत होते. नासिर आणि नौशाबा शहजाद हे दोघे आयएसआयला मदत करत होते. भारतीय तपास यंत्रणांनी पाकिस्तानी आयएसआयचा हा डाव ओळखून सतर्कता बाळगली आणि आवश्यक ते पाऊल उचलले आहे.