फर्रूखाबाद - जगभरात कोरोनाने थैमान घातले आहे. देश कोरोनाच्या संकटाचा सामना करण्यासाठी सज्ज झाला आहे. असं असतानाच याच दरम्यान अनेक धक्कादायक घटना समोर येत आहेत. उत्तर प्रदेशच्या फर्रुखाबादमध्ये एक भयंकर घटना घडली आहे. मिठाईवरून लग्नात तुफान राडा झाल्याची घटना घडली. यानंतर नवरदेवाने थेट नवरीच्या भावाची हत्या केली आहे.
मिळालेल्या माहितीनुसार, एका लग्नसोहळयात मिठाईवरून जोरदार वाद झाला. वादाचं रुपांतर पुढे हाणामारीत झालं. दारुच्या नशेत असलेल्या नवरदेवाने नवरीच्या 9 वर्षांच्या भावाला मारहाण करण्यास सुरुवात केली. मारहाणीत मुलाचा मृत्यू झाला. या घटनेनंतर नवरदेवाने पळून जाण्याचा प्रयत्न केला. यामध्ये त्याने तीन महिलांना चिरडले. महिलांची प्रकृती गंभीर असल्याची माहिती मिळत आहे.
अतसैनी पहाडपूर गावातील रहिवासी मनोज कुमार वरात घेऊन गोविंदपूर अहदुल्लापूर गावात आला. नवरदेव वरातीसह रात्री साडेआठच्या सुमारास येथे पोहोचला. नवरीच्या नातेवाईकांनी दिलेल्या माहतीनुसार, वऱ्हाडी आल्यानंतर त्यांना नाश्ता आणि पाणी देण्यात आलं. नवरदेव मनोज आणि त्याच्या मित्रांनी नाश्ता आणि व्यवस्थेवरून जाहीरपणे नाराजी व्यक्त करत गोंधळ घालण्यास सुरुवात केली. घरातील मोठ्या मंडळींनी नवरदेवाची समजूत काढण्याचा प्रयत्न केला. मात्र नवरदेवाच्या मित्रांनी गोळीबार केला.
नवरदेव आणि त्याच्या मित्रांनी नवरीचा लहान भाऊ प्रांशू याच्यावर पिस्तूल रोखलं. त्यानंतर त्याला घेऊन कारमधून पळ काढला. पळून जाताना त्यांनी इतर तीन महिलांना कारखाली चिरडले. नवरीच्या भावाची हत्या करून त्याचा मृतदेह गावाबाहेर फेकण्यात आला. तसेच या दरम्यान तीन महिला गंभीर जखमी झाल्या असून त्यांना उपचारासाठी रुग्णालयात दाखल करण्यात आलं आहे. नवरदेव आणि त्याच्या मित्रांविरोधात तक्रार दाखल करण्यात आली आहे. याप्रकरणी पोलीस अधिक तपास करत आहे. एका हिंदी वेबसाईटने याबाबतचे वृत्त दिले आहे.
महत्त्वाच्या बातम्या
CoronaVirus News : श्रद्धा की अंधश्रद्धा? ...म्हणून 'या' नदीत लोक रोज टाकताहेत तब्बल 500 किलो बर्फ
CoronaVirus News : विमानाने आलेल्या 'त्या' तरुणीमुळे प्रशासन धास्तावलं, तब्बल 96 जणांचा जीव धोक्यात
एकीकडे चीन तर दुसरीकडे कोरोना; मोदी सरकारसमोर आहेत 'ही' 5 मोठी आव्हानं
CoronaVirus News : कोरोनाचा धोका वाढतोय; आता देशात दररोज तब्बल 3 लाख लोकांची होणार चाचणी