केमिकल कंपनीला भीषण आग, अग्निशमन दलाच्या 10 गाड्या दाखल

By ऑनलाइन लोकमत | Published: May 12, 2021 12:27 PM2021-05-12T12:27:48+5:302021-05-12T12:30:13+5:30

बुलंदशहर रोडस्थित कवी नगर पोलीस ठाण्याच्या हद्दीतील एफ-23 मिथाईल पिगमेंट कंपनीत ही आगीची दुर्घटना घडली. त्यानंतर, या आगीने रौद्र रुप धारण केले असून शेजारील दोन कंपन्यांनाही या आगीची झळ सोसावी लागली आहे.

Fierce fire to chemical company, 10 vehicles of fire brigade filed in up gaziyabad | केमिकल कंपनीला भीषण आग, अग्निशमन दलाच्या 10 गाड्या दाखल

केमिकल कंपनीला भीषण आग, अग्निशमन दलाच्या 10 गाड्या दाखल

Next
ठळक मुद्दे बुलंदशहर रोडस्थित कवी नगर पोलीस ठाण्याच्या हद्दीतील एफ-23 मिथाईल पिगमेंट कंपनीत ही आगीची दुर्घटना घडली. त्यानंतर, या आगीने रौद्र रुप धारण केले असून शेजारील दोन कंपन्यांनाही या आगीची झळ सोसावी लागली आहे.

गाझीयाबाद - उत्तर प्रदेशातील गाझीयाबाद येथील एका केमिकल कंपनीला भीषण आग लागली आहे. बुलंदशहर रोडवरील इंडस्ट्रीयल एरियातील एका केमीकल कंपनीत ही आग लागली. त्यानंतर, शेजारील इतरही कंपन्या आगीच्या भक्ष्यस्थानी आल्या आहेत. सुरुवातीला आग लागताच केमिकलचे ड्रम फुटल्याने आगीने रौद्र रुप धारण केले. आगीच्या घटनेची माहिती मिळताच अग्निशमन दलाच्या गाड्यांनी तेथे धाव घेतली असून आग आटोक्यात आणण्यात येत आहे. 

बुलंदशहर रोडस्थित कवी नगर पोलीस ठाण्याच्या हद्दीतील एफ-23 मिथाईल पिगमेंट कंपनीत ही आगीची दुर्घटना घडली. त्यानंतर, या आगीने रौद्र रुप धारण केले असून शेजारील दोन कंपन्यांनाही या आगीची झळ सोसावी लागली आहे. आग लागलेली कंपनी केमिकल उत्पादनाशी निगडीत असल्याने आगीचे स्फोट झाल्याचे दिसून आले. त्यामुळे, दूरपर्यंत आगीच्या धुराचे लोट पाहायला मिळाले. घटनेची माहिती मिळताच अग्निशमन दलाच्या 10 गाड्या घटनास्थळी दाखल झाल्या असून आग विझविण्याचे शर्थीचे प्रयत्न सुरू आहेत. 

एनडीआरएफ टीमनेही घटनास्थळी धाव घेत आग आटोक्यात आणण्यात यश मिळवले आहे. शहर मुख्याधिकारी व दंडाधिकारीही घटनास्थळी दाखल झाले आहेत. या घटनेची चौकशी सुरू आहे, मात्र आगीचे नेमके कारण अद्याप समजू शकले नाही. दरम्यान केमिकल कंपनीतून आग पाईपच्या आणि पुठ्ठ्याच्या कंपनीत पसरत गेल्याचे सांगण्यात येत आहे.   

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Fierce fire to chemical company, 10 vehicles of fire brigade filed in up gaziyabad

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app