औषधी बनवणाऱ्या कंपनीत स्फोट! १० कामगार ठार, स्फोट झाला तेव्हा १५० लोक करत होते काम

Sigachi Industries News: सिगाची फॉर्मास्युटिकल कंपनीच्या तेलंगणातील रासायनिक कारखान्यात भीषण स्फोट झाला. यात मोठी जीवितहानी झाली आहे. 

Sigachi Blast: औषधी बनवणाऱ्या कंपनीच्या कारखान्यात रासायनिक भट्टीचा स्फोट झाल्याची भयंकर घटना सोमवारी घडली. तेलंगणातील संगारेड्डी जिल्ह्यात सिगाची फार्मास्युटिकल कंपनीच्या कारखान्यात ही घटना घडली आहे. यात दहा कामगारांचा मृत्यू झाला असून, अनेक जण जखमी झाले आहेत. काही जण ढिगाऱ्याखाली दबले गेले. त्यामुळे मृतांचा आकडा वाढण्याची भीती व्यक्त केली जात आहे. 

'लोकमत'चं WhatsApp चॅनल फॉलो करा!

सिगाची इंडस्ट्रीजचे तेलंगणातील पाशमैलारममध्ये रासायनिक कारखाना आहे. सकाळी साडेनऊच्या सुमारास ही घटना घडली. कारखान्यात स्फोट झाल्याची माहिती मिळताच वेगवेगळ्या अग्निशामक दलाच्या केंद्रावरून बंब पाठवण्यात आले. त्याचबरोबर एनडीआरएफ, डीआरएफ आणि एसडीआरएफची पथके बोलावण्यात आली.

दहा जणांचा मृत्यू 

रासायनिक कंपनीत झालेला स्फोट इतका भीषण होता की, संपूर्ण बिल्डिंग खाली कोसळली. स्फोटाच्या तीव्रतेने आजूबाजूलाही हादरे जाणवले. या घटनेत १० कामगारांचा मृत्यू झाल्याची माहिती समोर आली आहे. पण, प्रशासनाकडून याला अद्याप दुजोरा मिळालेला नाही. सहा जणांचे मृतदेह बाहेर काढण्यात आले, तर काहींचा रुग्णालयात नेताना आणि नेल्यानंतर मृत्यू झाला. 

अधिकाऱ्यांनी सांगितले की, २० ते २६ लोक या घटनेत गंभीर जखमी झाले आहेत. काही जण ढिगाऱ्याखालीही दबले गेले आहेत. त्यामुळे वेगाने बचाव कार्य सुरू करण्यात आले आहे. मल्टी झोन २ चे आयजी सत्यनारायण यांनी सांगितले की, या घटनेत एकूण ८ लोकांचा मृत्यू झाला आहे. सहा मृतदेह घटनास्थळी आढळून आले आहेत. दोघांचा उपचारादरम्यान मृत्यू झाला. त्याचबरोबर २६ जण जखमी आहेत.

#Hyderabad:

At least 5 people feared dead and nearly 15 workers were injured, after a #ReactorBlast 💥 and massive #FireAccident 🔥 at Pharma company (Sigachi Industries) in #Pashamylaram industrial area, #Patancheru, in #Sangareddy dist.

Several people reportedly trapped… pic.twitter.com/43ZX2HELGv

— Surya Reddy (@jsuryareddy) June 30, 2025

सिगाची स्फोट, काय घडलं?

घटना ८.१५ ते ९.३५ या वेळेत घडली. याची माहिती मिळताच पोलीस २० मिनिटात घटनास्थळी दाखल झाले.  ११ अग्निशामक दलाचे बंब आणि एनडीआरएफ, एसडीआरएफच्या जवानांनाही बोलवण्यात आले. दोन ते तीन जणांची प्रकृती चिंताजनक आहे. 

वाचा >>'ChatGPT' ला हे प्रश्न विचारू नका, नाहीतर तुम्ही मोठ्या अडचणीत सापडू शकता

स्फोट झाला त्यावेळी कंपनीत १५० लोक काम करत होते. स्फोट झालेल्या भागात ९० लोक काम करत होते, असेही आयजी व्ही. सत्यनारायण यांनी सांगितले.