तपासणीदरम्यान कारमध्ये सापडलं घबाड, रोकड मोजण्यासाठी मागवावी लागली मशीन, आता इन्कम टॅक्स विभागाकडून तपास सुरू   

Uttar Pradesh News: उत्तर प्रदेशमधील मथुरा येथे तपासणीदरम्यान, एका कारमधून सुमारे दीड कोटी रुपये आणि ४५० ग्रॅम सोने जप्त करण्यात आले आहे. एवढ्या मोठ्या प्रमाणावर रोख रक्कम जप्त करण्यात आल्याने प्राप्तिकर विभागाला नोटा मोजण्यासाठी मशीन मागवावी लागली.

उत्तर प्रदेशमधील मथुरा येथे तपासणीदरम्यान, एका कारमधून सुमारे दीड कोटी रुपये आणि ४५० ग्रॅम सोने जप्त करण्यात आले आहे. एवढ्या मोठ्या प्रमाणावर रोख रक्कम जप्त करण्यात आल्याने प्राप्तिकर विभागाला नोटा मोजण्यासाठी मशीन मागवावी लागली. या टीमला नोटा मोजण्यासाठी सुमारे दोन तास लागले.स सध्या कारमधून प्रवास करत असलेल्या तरुणाला ताब्यात घेण्यात आले आहे. तसेच पुढील तपास केला जात आहे. 

ही संपूर्ण घटना मांट पोलीस ठाण्याच्या हद्दीतील आहे. यमुना एक्स्प्रेसवरील जाबरा टोल प्लाझा येथे तपासणीदरम्यान एका कारमध्ये मोठ्या प्रमाणावर रोख रक्कम सापडली. रोख रकमेसोबत अर्धा किलो सोनंही सापडलं. ही रक्कम मोजण्यासाठी मशीन मागवण्यात आली होती. त्यानंतर सुमारे दोन तासांमध्ये मोजणी पूर्ण झाली. तसेच कारमध्ये एकूण १ कोटी ४९ लाख रुपये असल्याचे समोर आले.

मथुरा येथील गोविंदनगर पोलीस ठाण्याच्या हद्दीतील दीपक खंडेलवाल हे दिल्ली येथून चांदी आणून आग्रा येथे विक्री करतात. तसेच विक्रीचे पैसे घेऊन दिल्लीला जातात, अशी माहिती प्राप्तिकर विभाग आणि पोलिसांना मिळाली होती. त्यामुळे पोलिसांनी टोल नाक्याजवळ नाकेबंदी केली होती. त्यानंतर मथुरा येथून येथ असलेल्या स्विफ्ट कारला अडवून तिची तपासणी केली. त्या तपासणीदरम्यान, कारमध्ये मोठ्या प्रमाणावर रोख रक्कम आणि सोनं सापडलं.