coronavirus eat this onion drive away the corona virus claims a tamil nadu hotel owner | China Coronavirus : छोटे कांदे खाऊन कोरोनापासून बचाव करा; हॉटेल मालकाचा अजब उपाय 

China Coronavirus : छोटे कांदे खाऊन कोरोनापासून बचाव करा; हॉटेल मालकाचा अजब उपाय 

ठळक मुद्देतामिळनाडूतील एका हॉटेल मालकाने कोरोनापासून बचाव करण्यासाठी एक अजब उपाय सांगितला आहे.छोट्या कांद्याचा आहारात समावेश केल्याने तसेच खाल्ल्यास त्याचा फायदा होईल असं म्हटलं.ग्राहकांना छोटे कांदे असलेले उत्तप्पा खाण्यासाठी दिले जात असल्याची माहिती हॉटेल मालकाने दिली.

कराईकुडी - चीनमध्ये कोरोना नावाच्या व्हायरसने थैमान घातले आहे. या व्हायरसमुळे आतापर्यंत 259  जणांचा मृत्यू झाला आहे. तर 9000 हून अधिक जणांना या व्हायरसचा संसर्ग झाला आहे. चीनने 13 शहरांमध्ये प्रवासावर निर्बंध आणले आहेत. या निर्णयाचा 4.1 कोटी लोकांना फटका बसला आहे. चीनमध्ये वेगाने व्हायरस पसरल्यानंतर भारत, अमेरिकासहीत अनेक देशांमध्ये व्हायरससाठी अलर्ट जारी करण्यात आला आहे. तामिळनाडूतील एका हॉटेल मालकाने कोरोनापासून बचाव करण्यासाठी एक अजब उपाय सांगितला आहे. छोटा कांदा खाऊन बचाव करण्याचा सल्ला दिला आहे. 

तामिळनाडूतील एका हॉटेल मालकाने कोरोना व्हायरसला रोखण्यासाठी छोटे कांदे फायदेशीर असल्याचं म्हटलं आहे. छोट्या कांद्याचा आहारात समावेश केल्याने तसेच खाल्ल्यास त्याचा फायदा होईल असं म्हटलं आहे. तामिळनाडूत प्रसिद्ध असलेल्या सिद्ध चिकित्सा नावाच्या सिस्टमनुसार छोटे कांदे हे कोरोना व्हायरस रोखण्यासाठी अत्यंत उपयुक्त आहेत. त्यामुळेच हॉटेलमध्ये येणाऱ्या ग्राहकांना छोटे कांदे असलेले उत्तप्पा खाण्यासाठी दिले जात असल्याची माहिती हॉटेल मालकाने दिली आहे. 

जगभरात कोरोनामुळे घबराट पसरली आहे. चीनमध्ये आतापर्यंत यामुळे अनेकांचा मृत्यू झाल आहे. मात्र आता चीनच्या बाहेरही एकाचा मृत्यू झाल्याची माहिती मिळत आहे. फिलिपिन्समध्ये कोरोना व्हायरसमुळे एका व्यक्तीचा मृत्यू झाला आहे. कोरोना व्हायरसमुळे या व्यक्तीचा मृत्यू झाल्याची माहिती जागतिक आरोग्य संघटनेने दिली आहे. तसेच जागतिक आरोग्य संघटनेने म्हटले आहे की, अन्य देशांतही कोरोनाची लागण झाल्याने जागतिक आणीबाणी जाहीर करीत आहोत. आरोग्यसुविधा नसलेल्या देशांमध्ये कोरोनामुळे हाहाकार माजू शकतो, हा चिंतेचा विषय आहे. जागतिक आणीबाणी जाहीर केल्याने कोरोनाग्रस्त देशांना आर्थिक मदत व साधनसामग्री मिळू शकते. मात्र, विषाणूचा फैलाव झालेल्या देशांत नागरिकांना पाठविण्यास व व्यापारावर नियंत्रणे येतील. चीनच्या काही शहरांत जाणारी विमानसेवा अनेक कंपन्यांनी स्थगित केली आहे. मॅकडोनाल्ड, स्टारबक्स यांनी चीनमधील दुकाने बंद ठेवली आहेत.

भारतात केरळमध्ये पहिला रुग्ण समोर आला आहे. वृत्त एजन्सी शिन्हुआनुसार 1,36, 987 अशा लोकांची ओळख पटली आहे, जे कोरोनाने पीडित लोकांच्या संपर्कात आले होते. ज्या प्रवाशांनी गेल्या दोन आठवड्यांत चीनचा प्रवास केला होता, अशा प्रवाशांच्या प्रवेशास अमेरिकेने अस्थायी बंदी आणली आहे. मानव सेवा विभागाचे सचिव एलेक्स अजार यांनी सांगितले की, अमेरिकी नागरिक आणि स्थायी निवासींच्या कुटुंबांचे निकटचे सदस्य यांच्याशिवाय चीनचा प्रवास करून आलेल्या नागरिकांना प्रवेशबंदी असेल.

वुहानमध्ये अडकलेल्या सहा भारतीयांना ताप असल्याने एअर इंडियाच्या पहिल्या विशेष उड्डाणात बसू दिले नाही. तेथील भारतीयांना आणण्यासाठी एअर इंडियाचे दुसरे विमान दिल्ली विमानतळावरून दाखल झाले आहे. तत्पूर्वी, एअर इंडियाच्या एका विमानातून चीनच्या वुहानमधून 324 भारतीयांना घेऊन एक विमान शनिवारी सकाळी दिल्लीत दाखल झाले. वुहानमधून आणलेल्या भारतीयांत 3 अल्पवयीन, 211 विद्यार्थी आणि 110 कर्मचाऱ्यांचा समावेश आहे.
Coronavirus Death Toll Has Risen to 41: Chinese Govt | China Coronavirus : जगभरात अलर्ट! कोरोना व्हायरसमुळे 41 जणांनी गमावला जीव

महत्त्वाच्या बातम्या

Ind Vs NZ : अखेरच्या सामन्यातही भारताचा न्यूझीलंडवर विजय; मालिकेत ५-० असे निर्भेळ यश

China Coronavirus : कोरोनामुळे जगभरात घबराट; चीनबाहेर एकाचा मृत्यू 

पदवीधारकांसाठी 5 हजार, पदव्युत्तरांसाठी 7500 रुपये बेरोजगारी भत्ता; काँग्रेसची घोषणा

Jammu And Kashmir : काश्मीरमध्ये ग्रेनेड हल्ला; दोन जवानांसह 4 जण जखमी

'हे तर ठग्ज ऑफ मुंबईकर!', आशिष शेलारांचा मुख्यमंत्र्यांवर निशाणा

यापुढे सरकारी प्रशिक्षण मदरसे, बारमध्ये ठेवा; आशिष शेलार संतापले

 

Web Title: coronavirus eat this onion drive away the corona virus claims a tamil nadu hotel owner

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.