सध्या लोकसभेचे अर्थसंकल्पीय अधिवेशन सुरू आहे. दरम्यान विरोधी पक्षनेते राहुल गांधी यांनी राष्ट्रपतींच्या अभिभाषणावर बोलताना डोकलामचा मुद्दा उपस्थित सरकारवर थेट हल्ला चढवला. यामुळे सभागृहात एकच गदारोळ सुरू झाला. यामुळे सभागृहाचे कामकाज आधी दुपारी ४ वाजेपर्यंत आणि नंतर दुसऱ्या दिवसापर्यंत स्थगित करावे लागली. राहुल गांधी यांनी, माजी लष्करप्रमुख मनोज मुकुंद नरवणे यांच्या एका अप्रकाशित पुस्तकाचा हवाला देत सरकारवर निशाणा साधला होता.
दरम्यान, भाजपने आता नरवणे यांचा एक जुना व्हिडिओ प्रसिद्ध केला आहे, त्यात "आपण आपली एक इंचही जमीन गमावलेली नाही', असे नरवणे यांनी म्हटले आहे. भाजपने राहुल गांधींवर देशाची दिशाभूल केल्याचा आरोप केला.
व्हिडिओमध्ये नेमकं काय? -भाजपने शेअर केलेल्या नरवणे यांच्या एक जुन्या व्हिडिओमध्ये, एएनआयशी बोलताना, "सर्वप्रथम, मी आपल्याला सांगू इच्छितो की, आपण आपली एक इंचही जमीन गमावलेली नाही. आपण अजूनही पूर्वी जेथे होतो, तेथेच आहोत," असे नरवणे यांनी म्हटले आहे. यानंतर, त्यांनी चीनसोबत सुरू असलेल्या विच्छेदन प्रक्रियेचा उल्लेख केला आहे.
गृहमंत्री अमित शाह आणि संरक्षण मंत्री राजनाथ सिंह यांचा तीव्र आक्षेप -यावर, गृहमंत्री अमित शाह आणि संरक्षण मंत्री राजनाथ सिंह यांनी तीव्र आक्षेप नोंदवला. अमित शाह म्हणाले, "संरक्षण मंत्री फक्त एवढेच विचारत होते की, ते ज्या नरवणे यांच्या पुस्तकाचा हवाला देत आहेत, ते पुस्तक प्रकाशित झाले आहे की नाही? यावर, "सभागृहाची दिशाभूल करण्याचा प्रयत्न करू नका आणि अनावश्यक भाष्यही करू नका", असे राजनाथ सिंह म्हणाले. यानंतर, गदारोळ वाढल्यानंतर संसदेचे कामकाज तहकूब करण्यात आले.
Web Summary : BJP countered Rahul Gandhi's Doklam claims by sharing a video of ex-Army Chief Naravane stating no land was lost. Gandhi cited Naravane's unpublished book, prompting objections from Amit Shah and Rajnath Singh, leading to parliamentary adjournment.
Web Summary : भाजपा ने राहुल गांधी के डोकलम के दावों का खंडन करते हुए पूर्व सेना प्रमुख नरवणे का एक वीडियो साझा किया जिसमें कहा गया है कि कोई जमीन नहीं खोई गई। गांधी ने नरवणे की अप्रकाशित पुस्तक का हवाला दिया, जिससे अमित शाह और राजनाथ सिंह ने आपत्तियां जताईं, जिसके परिणामस्वरूप संसदीय स्थगन हुआ।