नवी दिल्ली- लोकसभेपाठोपाठ राज्यसभेतही नागरिकत्व सुधारणा विधेयकाला मंजुरी मिळालेली आहे. गेल्या काही दिवसांपासून होत असलेल्या विरोधानंतर राज्यसभेत विधेयकाच्या बाजूने 125 मते पडली, तर विधेयकाच्या विरोधात 105 मत पडल्यानं हे विधेयक मंजूर झालं आहे. आता विधेयकाचं कायद्यात रुपांतर होण्याचा मार्गही मोकळा झाला आहे. विशेष म्हणजे या विधेयकांसाठी अमित शाहांनी घेतलेलं प्रयत्न हे वाखाणण्याजोगे आहेत. विरोधकांनी विरोध केलेला असतानाही अमित शाहांनी त्यांचे दावे खोडून काढत या विधेयकांच्या समर्थनाची बाजू लावून धरली होती. विधेयकाला मंजुरी मिळाल्यानंतर अमित शाहांनी प्रतिक्रिया दिलेली आहे. कोट्यवधी वंचित आणि पीडित लोकांचं स्वप्ने आज प्रत्यक्षात उतरलं आहे. पंतप्रधान नरेंद्र मोदींनी या पीडित आणि वंचित लोकांच्या सन्मान आणि सुरक्षिततेचा संकल्प केल्याबद्दल त्यांचे विशेष आभार, असंही अमित शाह म्हणाले आहेत.
Citizenship Amendment Bill: कोट्यवधी वंचित आणि पीडितांचं स्वप्न अखेर आज साकार- अमित शाह
By ऑनलाइन लोकमत | Updated: December 11, 2019 21:41 IST