बिहार निवडणुकीत खर्चाच्या बाबतीत कोण ठरले वरचढ?, काँग्रेसने केला २८ टक्के, तर भाजपाने...

Bihar Assembly Election 2026: बिहार निवडणुकीत भाजपा आणि काँग्रेसने किती खर्च केला, याचा तपशील निवडणूक आयोगाला सादर करण्यात आला.

Bihar Assembly Election 2026: लोकसभा आणि विधानसभा निवडणुकीनंतर राजकीय पक्ष त्यांच्या खर्चाचा अहवाल निवडणूक आयोगाला देतात. या पार्श्वभूमीवर, राजकीय पक्षांनी बिहार निवडणुकीतील त्यांच्या खर्चाचे हिशेब निवडणूक आयोगाला सादर केले आहेत. अहवालानुसार, भाजपाने निवडणूक आयोगाला बिहार निवडणूक खर्चाचा अहवाल सादर केला. 

बिहार विधानसभा निवडणुकीत काँग्रेस पक्षाने एकूण ३५ कोटी खर्च केले, तर सीपीआय(एम)ने २६.७५ लाख खर्च केले. बहुजन समाज पक्षाने बिहार निवडणुकीत फक्त ९.०१ कोटी खर्च केले. आरजेडी आणि जेडीयूसह इतर पक्षांचे खर्चाचे हिशेब अद्याप निवडणूक आयोगाला देण्यात आलेले नाहीत, ज्यामुळे त्यांच्या एकूण खर्चाचे आकडे अस्पष्ट झाले आहेत.

बिहार निवडणुकीत भाजपाने केला सर्वाधिक खर्च

२०२५ च्या बिहार विधानसभा निवडणुकीत भाजपाने इतर कोणत्याही पक्षापेक्षा सर्वाधिक खर्च केला आहे. भाजपाने १४६.७१ कोटी रुपये खर्च केले, तर काँग्रेसने ३५.०७ कोटी रुपये खर्च केले. भाजपाने त्यांच्या एकूण निधीपैकी २ टक्के खर्च केला, तर काँग्रेसने त्यांच्या एकूण निधीपैकी २८ टक्के खर्च केला. भाजपाने गेल्या बिहार विधानसभा निवडणुकीपेक्षा यावेळी प्रचारावर तिप्पट जास्त खर्च केला आहे. २०२० मध्ये भाजपने अंदाजे ५४ कोटी रुपये खर्च केले होते.

दरम्यान, बिहारमध्ये भाजपाचा खर्च करणे लाभदायक ठरल्याचे म्हटले जात आहे. ८९ आमदारांसह राज्यातील सर्वांत मोठा पक्ष म्हणून भाजपा उदयास आला. दुसरीकडे, काँग्रेसने भाजपापेक्षा कमी खर्च केला असला तरी, बिहारमध्ये त्यांच्या संचित भांडवलाचा एक महत्त्वाचा भाग खर्च केला आहे. काँग्रेसला फक्त ६ जागा मिळाल्या.