ऑनलाइन टीम
बंगळुरू, दि. ३० - बंगळुरू येथील एका शाळेत सहा वर्षीय मुलीवर झालेल्या बलात्काराची घटना उघडकीस आल्यावर माजलेला गोंधळ अद्याप सुरू असतानाच शहरातील आणखी एका शाळेत मुलीवर अत्याचार झाल्याची घटना उघडकीस आहे. शांती धामा शाळेत एका ७ वर्षीय मुलीवर शाळेतील शिपायाच्या मुलानेच अत्याचार केल्याचे पोलिसांनी सांगितले आहे. याप्रकरणाचा पुढील तपास सुरू आहे.
बंगळुरूतील विबग्योर हायस्कूलमध्ये २ जुलै रोजी एका सहा वर्षाच्या मुलीवर अज्ञात लोकांनी बलात्कार केला होता; परंतु १५ जुलै रोजी हे प्रकरण उघडकीस आले होते. याप्रकरणी पोलिसांनी काल दोघांना अटक केली होती. या घटनेमुळे कर्नाटकसह देशभरातील वातावरण ढवळून निघालेले असतानाच बलात्काराची दुसरी घटना समोर आली आहे.