मोरी : आंध्र प्रदेशातील डॉ. बाबासाहेब आंबेडकर कोनसीमा जिल्ह्यातील मोरी येथे ऑइल अँड नॅचरल गॅस कॉर्पोरेशनच्या (ओएनजीसी) मोरी–५ विहिरीत वायुगळती होऊन सोमवारी भीषण आग लागली. उत्पादन वाढीच्या कामादरम्यान ही घटना घडली. या घटनेत कोणाचाही मृत्यू किंवा जखमी झाल्याची नोंद नाही.
सुरक्षेच्या कारणास्तव चार किलोमीटर परिसरातील इरुसुमंदा आणि लक्कावरम ही दोन गावे रिकामी करण्यात आली. मुख्यमंत्री एन. चंद्रबाबू नायडू यांनी या घटनेची चौकशी करण्याचे निर्देश दिले. ओएनजीसीनेही आपत्ती व्यवस्थापन पथके तैनात केली आहेत.
वायुगळतीनंतर परिसर केला सील
मोरी-५ ही विहीर दुर्गम भागात असून तिच्यापासून सुमारे ६०० मीटरच्या परिघात कोणतीही मानवी वस्ती नाही. हा सारा परिसर सील करण्यात आला आहे. ही आग विझविण्यासाठी उपाययोजनांबाबत ओएनजीसीने या विषयातील आंतरराष्ट्रीय तज्ज्ञांशी चर्चा केली आहे. (वृत्तसंस्था)
Web Summary : A major fire broke out at an ONGC well in Andhra Pradesh due to a gas leak during production enhancement work. Two villages were evacuated for safety. An investigation has been ordered, and disaster management teams are deployed. No casualties reported; area sealed.
Web Summary : आंध्र प्रदेश में ओएनजीसी के एक कुएं में उत्पादन वृद्धि के दौरान गैस रिसाव के कारण भीषण आग लग गई। सुरक्षा के लिए दो गांवों को खाली कराया गया। जांच के आदेश दिए गए हैं, और आपदा प्रबंधन दल तैनात हैं। कोई हताहत नहीं; क्षेत्र सील।