Air India Plane Crash Video: लंडनच्या दिशेने झेपावले अन् काही क्षणातच कोसळले; असा झाला अपघात
By ऑनलाइन लोकमत | Updated: June 12, 2025 15:02 IST2025-06-12T15:01:01+5:302025-06-12T15:02:40+5:30
Gujarat Plane Crash Video: गुजरातमध्ये एक भयंकर विमान अपघात झाला. अहमदाबाद विमानतळावरन उड्डाण केल्यानंतर अवघ्या काही मिनिटातच विमान एका नागरी वसाहतीजवळ कोसळले.
Air India Plane Crash Video: लंडनच्या दिशेने झेपावले अन् काही क्षणातच कोसळले; असा झाला अपघात
Ahmedabad Plane Crash Video: २०० पेक्षा अधिक प्रवाशांना घेऊन लंडनच्या दिशेने झेपावलेल्या एअर इंडियाचेविमानाचा भीषण अपघात झाला. अहमदाबाद विमानतळावरून या विमानाने उड्डाण केले होते. विमान हवेत झेपावल्यानंतर काही मिनिटातच कोसळले आणि मोठा स्फोट झाला. हा अपघात कॅमेऱ्यामध्ये कैद झाला आहे.
एअर इंडियाचे AI171 हे विमान अहमदाबादवरून लंडन जात होते. प्राथमिक माहितीनुसार, विमानात २३० प्रवासी आणि १२ क्रू मेबर्स, असे एकूण २४२ लोक होते. विमानाने गुरुवारी (१२ जून) दुपारी १ वाजून ३८ मिनिटांनी उड्डाण केले. पण,त्यानंतर काही मिनिटांतच मेघानीनगर भागात कोसळले.
ज्या भागात एअर इंडियाचे विमान कोसळले, ते मेघानीनगर विमानतळापासून १५ किमी दूर आहे. विमान कोसळतानाचा व्हिडीओ समोर आला आहे. ज्यात विमान हळूहळू जमिनीच्या दिशेने जाते आणि त्यानंतर काही क्षणातच मोठा स्फोट होतो.
एअर इंडिया विमानाच्या अपघाताचा व्हिडीओ
गुजरातमध्ये भीषण विमान अपघात! एअर इंडियाचं लंडनला जाणारं फ्लाईट कोसळलं#airindia#Ahmedabad#planecrashpic.twitter.com/zEv8yDpfRR
— Lokmat (@lokmat) June 12, 2025
अपघातग्रस्त झालेले विमान दिल्लीतील इंदिरा गांधी आंतरराष्ट्रीय विमानतळावरून अहमदाबादमध्ये आले होते. काही वेळानंतर ते लंडनकडे निघाले होते. अग्निशामक दलाचे अधिकारी जयेश खडिया यांनी सांगितले की, दुर्घटना घडल्यानंतर विमानाला मोठी आग लागली. त्यामुळे आग विझवण्यासाठी अग्निबंब पाठवण्यात आले आहेत.
अहमदाबाद से बड़ी ख़बर आ रही है
एरपोर्ट पर टेक ऑफ़ के दौरान प्लेन क्रेश हो गया #AirIndia का प्लेन बताया जा रहा है
133 यात्री सवार थे।
लंडन जा रही थी फ़्लाइट pic.twitter.com/C0eAt7wEJz— Rubika Liyaquat (@RubikaLiyaquat) June 12, 2025
बचाव व मदत कार्यासाठी तातडीने एनडीआरएफच्या जवानांच्या तीन तुकड्या घटनास्थळी पाठवण्यात आल्या. ९० जवान गांधीनगरवरून अपघातस्थळी येत आहेत. त्याचबरोबर वडोदऱ्यावरूनही तीन तुकड्या पाठवल्यात आल्या आहेत.
एअर इंडियाच्या प्रवक्त्यांनी दिलेल्या माहितीनुसार, हे विमान लंडनमधील गॅटविक एअरपोर्टवर उतरणार होते. पण, दुपारी ते अपघातग्रस्त झाले. अपघाताची अधिक माहिती घेतली जात आहे.